3 CREPEs

Open Now

Now Closed

大角咀名物手工日式可麗餅，不少食客都慕名而來。咸甜款式總共有廿多款可以選擇，除左口味吸引外，賣相都非常吸睛!!最緊要所有可麗餅都即叫即製非常新鮮!! 🍦- 焦糖吉士 HK$48 🍮🍦表面滿滿香甜軟滑吉士醬，再加上燒香脆脆焦糖層非常好食!!最好食係可麗餅皮口感煙韌有彈性，勝過不少坊間小店，直迫日本質素!!食到底層時除吉士醬外亦加入忌廉及花生碎，味道更輕盈又富有粒粒口感，層次豐富!!- 玫瑰荔枝冰茶 HK$30 🌹🍹玫瑰香氣配上荔枝清甜，淡淡茶香剛剛好，冰涼感覺與可麗餅非常合襯!!

大角咀超足料爆餡日式可麗餅💗終於試到呢間我留意左好耐既可麗餅專門店，佢地鹹甜選擇均備，仲有好多特色飲品，搞到選擇困難症大發作😣最後揀左：🍓士多啤梨香蕉配朱古力雪糕($55)入面有士多啤梨、香蕉、朱古力脆脆、士多啤梨乾、原味忌廉、朱古力忌廉、朱古力醬同朱古力雪糕，仲要連餅皮都係朱古力味㗎🍫可麗餅皮好軟糯，朱古力味亦頗出。士多啤梨同香蕉新鮮又甜，而且唔係得表面，一路食落去都仲食到厚厚既水果片💕入面既忌廉食落輕盈冇油膩感，朱古力忌廉味道似黑朱古力，濃而不漏，而且仲多到爆曬出嚟，連埋球雪糕一齊食係朱古力味大爆發🤯強烈推薦朱古力愛好者必試!!!同埋個可麗餅份量係極大，食完一個已經飽曬，晚餐都唔使食🤣🌹玫瑰荔枝冰茶(原價$30，點可麗餅加配可享-$10優惠)呢款係店主推介既口味⭐入面有好多乾玫瑰花瓣，仲有粒荔枝，飲落好有玫瑰花香，帶微微荔枝味，味道好清香。而且仲夠曬冰凍，解膩解渴啱曬食完咁大個可麗餅之後飲，店主真係冇介紹錯👍🏻另外仲想讚下店主，見我件衫整到朱古力漬即刻準備整左好多濕紙巾比我，好貼心

今日同朋友係大角咀食完晚飯，經過見到呢間可麗餅店，好吸引咁，所以要試下先☺️薄餅皮用上日本麵粉，有超過20款鹹或甜可麗餅選擇#士多啤梨香蕉配朱古力雪糕可麗餅 $55加配棉花糖 +$5每份可麗餅即點即做，餅皮微厚帶韌性，蛋味香濃，餡料豐富。朱古力味甜薄餅中間係加配棉花糖、軟滑的原味cream+朱古力cream同朱古力脆脆，而頂部配上新鮮士多啤梨同香蕉，仲有個朱古力雪糕同碎士多啤梨乾，配上朱古力醬格外香甜，口感更豐富☺️成個薄餅甜而不膩，又食到生果既清甜，味道好有層次玫瑰荔枝冰茶 +$20 (套餐價)入口既有濃厚嘅荔枝果香，又有紅茶獨有的微甘，伴隨陣陣玫瑰花瓣的清香。 仲可以幫助消化👍冰茶仲浮左不少玫瑰花瓣⚘️濃郁香醇

最近大角咀開咗間人氣crepes!而當中抹茶紅豆白玉就最受歡迎，九點去到已經賣晒😫而且老闆話要等半個鐘先有得食😗但一場嚟到就試吓啦🙌🏻轉左食忌廉芝士吉士～又睇吓點先～1️⃣忌廉芝士吉士（$45）首先，最上有一層薄薄嘅焦糖，加埋忌廉感覺有啲似食焦糖燉蛋！幾正😋再食落啲吉士味有啲重，所以食落有啲偏酸🤔最下低係有忌廉加開心果粒，因為冇預計到有開心果，所以有啲驚喜，而且口感豐富左👍🏻另外餅皮方面整得都幾薄🤩所以唔會食到好飽好濟👍🏻但食完飯嚟講我都係prefer兩個人share一個🤣🤣2️⃣玫瑰荔枝冰茶（$18；加配可以減$10）飲品方面係用細樽裝，所以唔好期望好似手搖飲品店咁樣咁大杯🥴另外雖然嗌咗少冰，但啲冰都偏多。味道方面唔太甜😋亦有玫瑰味同埋荔枝味，仲有粒大大粒嘅荔枝果肉～📍總結：-未夠半個鐘返嚟已經有得食，而且已經整好咗放咗入雪櫃，所以比預計時間早返嚟應該都有得食🙌🏻-有機會想試埋抹茶紅豆白玉🤩