Coti (沙咀道)

Open Now

Now Closed

今日同男友係嘉達環球中心辦事，到咗Lunch時間但又唔太餓，想輕輕地食個沙律同飲杯嘢，咁啱見到附近有間Cafe，所以就去咗試~ Cafe位於商廈大堂內，店面唔算太大，採用全開放式設計，餐枱有四五張度，人流唔算太多，所以坐得幾舒服~ 🧡田園藜麥雜菜沙律配雞髀（$74）沙律醬有黑醋同芝麻醬可揀，我就揀咗芝麻醬~沙律菜爽甜新鮮，夾住個芝麻醬食好清新好開胃！雞脾好大隻，肉質都好幼嫩！ 🧡蒲燒鰻魚滑蛋飯（$88）鰻魚滑蛋飯份量好足，鰻魚一大條，醬汁味道啱啱好，唔會太鹹~蛋都炒得好滑，仲配埋沙律菜，係一個食完會好飽好滿足嘅lunch！ 🧡玫瑰鮮奶咖啡（跟餐+$24）一上到嚟就聞到好大陣玫瑰香味，飲落都好重玫瑰香，同咖啡香融合得好好，個人幾鐘意，不過甜度降低少少會更佳~ 🧡焦糖布甸咖啡（跟餐+$24）造型幾特別，咖啡面頭有一層薄薄嘅焦糖布甸，入口舒服，咖啡帶有一陣焦糖嘅香甜~

今日放假去搵下朋友食lunch，朋友就要番工，為左就佢方便就揀左佢公司附近嘅餐廳，位置係工廠區同商業大廈附近，適合呢邊番工嘅人去🔅蒲燒鰻魚滑蛋飯 🍱$88呢個價錢有成條鰻魚真係抵讚👍🏻鰻魚汁好多，偏濃，鰻魚肉質肥美，食落幾柔軟。蛋都炒得幾好，非常嫩滑，仲配左沙律菜，幾抵食🔅香蒜蜆肉意粉 🍝$78佢煮緊果陣已經聞到好濃蒜香味，意粉軟硬度煮得剛剛好，唔會淋晒亦唔會好油，蜆肉都幾新鮮，冇砂🔅玫瑰鮮奶咖啡 🌹$42咖啡味濃，帶有淡玫瑰香，上面加左幾片玫瑰花瓣，賣相吸引，朝早買番杯番工都係一個唔錯嘅選擇🔅焦糖布甸咖啡 🍮$42雖然叫焦糖布甸，但係入面係冇布甸嘅，係用左焦糖布甸嘅糖漿黎整，表面烘左一層焦糖脆，調和左咖啡嘅苦味，如果喜歡帶甜嘅咖啡，推介點呢杯

COTI位於荃灣工業區，屬於新式工廈。餐廳面積不大，約有5-6張枱供客人堂食，環境舒服寧靜，滿適合想安靜地享用既人士。忌廉汁煙三文魚意粉，煙三文魚份量算多，以煙三文魚裝飾了一朵花，意粉中亦有三文魚碎。意粉軟硬適中，醬汁濃稠，調味剛剛好。😋蒲燒鰻魚滑蛋飯，有沙律菜作為伴碟，沙律菜新鮮。鰻魚勁勁勁大塊，滑蛋煮得剛剛好，一啖滑蛋鰻魚白飯，簡單係絕配。玫瑰鮮奶咖啡，整得好靚，很有心思❤️玫瑰味很香，估唔到呢個配夾會甘好👍🏻焦糖布甸咖啡，喜歡甜點焦糖既你，一定要飲。另外最值得一讚係店員嘅服務態度，好nice好親切☺️與附近既客人有講有笑，相信係附近既熟客嚟。如果我係附近上班，相信每天既咖啡都會係到買。🤣🤣

𝙞 𝙖𝙗𝙨𝙤𝙡𝙪𝙩𝙚𝙡𝙮 𝙡𝙤𝙫𝙚 𝙘𝙤𝙙 𝙧𝙤𝙚 𝙖𝙣𝙙 𝙨𝙖𝙡𝙢𝙤𝙣 𝙧𝙤𝙚😍 𝙬𝙝𝙖𝙩 𝙖 𝙗𝙚𝙖𝙪𝙩𝙞𝙛𝙪𝙡 𝙥𝙡𝙖𝙩𝙚 𝙤𝙛 𝙧𝙤𝙚𝙨 𝙥𝙖𝙨𝙩𝙖 𝙬𝙞𝙩𝙝 𝙚𝙚𝙡. 𝙜𝙤𝙤𝙙 𝙛𝙤𝙤𝙙 𝙬𝙞𝙩𝙝 𝙧𝙚𝙖𝙨𝙤𝙣𝙖𝙗𝙡𝙚 𝙥𝙧𝙞𝙘𝙚!! (𝙘𝙡𝙖𝙨𝙨𝙞𝙘 𝙘𝙤𝙛𝙛𝙚𝙚 𝙞𝙨 𝙞𝙣𝙘𝙡𝙪𝙙𝙚𝙙 𝙞𝙣 𝙡𝙪𝙣𝙘𝙝 𝙨𝙚𝙩) 𝙡𝙤𝙫𝙚 𝙩𝙝𝙚 𝙙𝙚𝙘𝙤𝙧 𝙖𝙣𝙙 𝙖𝙢𝙗𝙞𝙚𝙣𝙘𝙚 𝙞𝙣 𝙩𝙝𝙚 𝙧𝙚𝙨𝙩𝙖𝙪𝙧𝙖𝙣𝙩!.真係唔開住google map都搵唔到呢間野，去完南豐紗廠後再行多一個字到先搵到，細細間好精緻既cafe，重點係店員超熱情，介紹左佢地menu好耐！lunch set黎講呢個價錢包埋咖啡都幾抵，意粉係硬身有咬口果種，而且明太子醬超濃郁咁掛係每一條意粉上面，撈埋三文魚子食好咸香好正，仲有三大塊厚切鰻魚🤤 牛肋骨飯相對普通，味道較淡，但個份量又係好驚人，足足有七舊牛肋條仲有好多蔬菜，健康之選😍 玫瑰咖啡濃郁有奶香，有淡淡既玫瑰甜味，打卡一流✨ 另外店員大推既焦糖布甸咖啡真係幾好飲😳 面層燒到焦香既砂糖同完美融入咖啡入面，好滿足！