LAYER’S Cafe & Pancakes

Open Now

Now Closed

番工不如意個個都會有，最緊要係你點去減壓姐，對我黎講食甜野可以開心D，4點幾見早左收工o係九龍城，就搵下邊度有得食甜品。首先餐廳門面係湖水綠色招牌，好易搵到，餐廳主打輕食同咖啡，作為咖啡控一於就試下佢既咖啡同大熱既梳乎里Pancake。—————————————🐷朱古力焦糖香蕉麥片班戟 $88一客兩件梳乎里Pancakes，以價錢黎講又唔算好抵食，不過見可以加錢轉飲其他咖啡，除番開價錢都可以接受。味道方面香蕉面頭有層脆焦糖，夾埋Pancake 食其實幾夾既，個朱古力醬好滑同埋唔會甜得過份，夾埋Pancake 入口即化，唔錯！———————————🐷玫瑰鮮奶咖啡 (惠顧 Pancake ＋$28轉飲)因為當日心情麻麻，真係想食番少少甜野，所以叫左平日唔會飲既Rose Latte， 我怕太甜特登同服務員講唔好太多玫瑰糖漿，少左甜玫瑰糖漿既味道都幾出，加上咖啡自身既濃味，總算中和左少少甜膩感。———————————💁🏻‍♀️總結：環境寧靜可以安心放空既一間小店，食物質數都算OK，如果行開九龍城都可以試下，唔洗成日都幫襯大集團丫嘛

近排要清假，放半日梗係揾下好野食獎勵下自己啦最後揀左Layer’s 3點幾黎到得我自己，包場很快樂呢度環境好靚呀！非常少女，粉紅粉藍粉綠Weekday可以靜靜咁享受就係最舒服一個人叫左招牌班戟&玫瑰鮮奶咖啡叫pancake 可以加$28仲可以配唔同咖啡，仲要係大杯，都算抵👍🏼金黃色的Pancake有濃濃的蛋香，有厚度多鬆軟，口感一流，我特別鍾意佢個cream，好滑好香另外估唔到加$28既玫瑰鮮奶咖啡係大大杯，仲要用左我好鍾意既粉紅色😍太吸精，玫瑰味飲落都好香。過了一個舒適既下午，好滿足❤️

係日本食過幾間，呢間新開既九龍城小店好有水準，我仲覺得好食過晒係日本食果幾間。係無咩期望之下，十分驚喜！班㦸不會太濕，有蛋香，好軟熟！👍🏻👍🏻雖然得4個味道選擇，但係班㦸專門店黎講其實都足夠。今次試左紅豆抹茶口味，紅豆不太甜夠林，抹茶一試就知係採用日本果隻，而且叫左抹茶口味都仲有原味cream, 貪心既我又可以試埋原味cream, 不膩，不太甜，夠滑，十分滿足！飲品都有好多選擇今次叫左我最愛既玫瑰鮮奶咖啡🌹粉紅色咖啡杯好襯店舖既裝修咖啡夠濃 玫瑰花味突出 好喜歡！一個人嘆左一個好滿足既下午茶值得一試！店舖裝飾好靚😍*見倒隔離枱叫左個法式吐司，好吸引！下次決定黎試呢個法式吐司😋