魚之神日本料理 (Closed)

講多無謂, 先去相呢幾樣係我每次去魚之味都會食的, 每次帶朋友去之前, 佢都會問我係咪傻架, 住上水去到將軍澳為左食一餐壽司但當我帶埋佢地去既時候, 佢地都會一致認同, 而且會叫我一齊再黎食今次帶左另外兩個朋友黎, 加埋我女朋友, 一行四人, 食左6百蚊有找可能d人見到係呢度既評價咁低, 唔方好食得去邊,只可以話d人唔識得叫送先小人後君子, 呢度d炸物真係超級超級勁難食, 炸蠔炸蝦炸雞軟骨, 又乾又無汁但係, 去一間食肆最緊要食佢做得好既野, 唔通你去中環鏞記果度飲茶你去食紅豆沙話人難食就唔食咩呢度最好食係醬燒三文魚壽司, 入口即溶, 講係無用, 再試完先知, 魚香留係個口到, 係勁正!仲有勁大隻既鮮甜帆立貝, 海膽, 三文魚腩, 用料都係好新鮮, 特別推介係鵝肝壽司, 係堅正!加埋個自己切既珍寶三文魚刺身, 十個滿足。

突然想食日本野~又唔想走得咁遠~就近近地係將軍澳附近搵食男友睇到openrice 的食評, 俾珍寶三文魚吸引就決定左去呢間之前曾經聽同學講呢間晚市會好多人所以早少少去等點知無咩人又見到佢星期一至五9點後有85折點都附近行下等到9點先啦~慳得一蚊得一蚊呀嗎~九點入去都唔係好多人我同男友叫左2個一人dinner set, 當然仲有叫左地我們的目標: 珍寶三文魚啦點會waiter 一上set 內的三文魚. "哇~~駛唔駛咁厚呀~"見到珍寶三文魚...仲嚇親...第一次叫刀叉食生三文魚呢....=_="set 都有好多野食有海鮮蒸蛋, 麵豉湯,沙律, 仲有甜品都係$60左右味道總體都算不錯呢食得好飽呢...可惜座位略為擠逼連門口都有座位明明對商場的門貼左note 叫人去另一個門口入d 人還是不理幸好岩岩個位無人, 唔係真係幾煩下次無錢的時間一定要俾呢度開餐呢~

噚晚 (19 Jun) 同個 friend 又去呢間魚之味食晚飯….其實我哋上星期五已經嚟過, 係呢個 friend 話要 encore!!果然無失準…..最吸引我 gar 依然係個disk 五塊“珍寶三文魚” 每塊都有我個手掌 1/3 area, 一節手指濶!!最衰呢個 friend唔食生野….成五塊…就落哂我個肚度!!!個disk 鐵板牛油帶子, 同個 pot 鍋燒牛肉飯…..嘩嘩嘩都只能夠食到兩件起三嚿止!!!! 不過真係唔錯…值得推介!!有DBS VISA　埋單都只係　ＨＫ＄１５０！！！！！