百味川 (Closed)

放工去左葵廣買野，第一次係呢間店食。都幾多選擇我叫左口水雞翼（$29）三隻口水雞汁夠辣，就咁食都好好味。珍寶百味過橋米線$60 （酸辣）酸菜味濃，材料都有一種一件，個湯我幾鍾意。

葵廣，大家第一時間係會諗起掃街，掃街係就係可以食到唔同種類既野，但好難確保都好食，係呢度竟然俾我搵到間好野食！麵食為主，價錢都唔貴，有少少野要留意返就係百味酸菜魚、百味鮮茄魚、百味鮮茄仲有家鄉紅燒肉米線都唔可以換湯底，我十分欣賞廚師有廚師既堅持！呢碗係珍寶百味過橋米線，我就加左酸辣同轉做淮山麵，淮山麵好幼身好入味，真心推薦！而且份量十足，咩配菜都至少有兩件，龍蝦丸係鮮味貴既個種（相信大家平時打邊爐就知有時會買到伏既龍蝦丸）皮蛋排得好靚，擺盤既分已加！朋友自選左麻辣同紅燒肉竹笙淮山麵，我食左啖紅燒肉！真係嘩左出聲，好好食！絕對係肥而不膩，入化即化。原來係葵廣都食都咁高水準既紅燒肉，太驚喜太開心太滿足！我好少讚成咁，絕不誇張！