春水堂 (太古城中心)

Open Now

Now Closed

夜晚出開去太古城中心買野,買完野緊係食埋晚餐先返屋企,近排無乜食台灣野,即刻就諗起呢個商場有春水堂🤩嚟到嗰時啱啱無晒位,好彩等咗10分鐘左右就有位啦☺️我地叫咗紅燒牛肉麵(半筋半肉)紅燒湯底夠濃略帶點牛肉味牛肉夠腍👍🏻麵底軟硬適中魯肉飯(小碗)叫比小朋友食嘅,份量完全啱晒佢😂魯肉份量唔算多不過煮得好入味凍珍珠奶茶珍珠奶茶整體唔算太甜👍🏻珍珠咬落偏腍#hkfoodie#openrice#春水堂

一直都想試吓食春水堂嘅食品，尤其甜品，望落好吸引。因為午餐都未食太肚餓，就順便喺度食埋正餐。正餐選擇不多，分為牛肉麵或便當系列，我自己就叫咗個蕃茄牛肉麵，老公就嗌咗個炸排骨便當，個仔就叫咗個迷你肉燥飯，竟然係個肉燥飯係最好食嘅，蕃茄牛肉麵，面嘅質感係刀削麵，牛肉係半斤半肉，總共有六舊，但蕃茄好Hea，得兩舊仲要係生生地既，炸排骨便當更加唔好講，好難食！ ！ ！ ！ ！無論前菜同肉都係冇味嘅！ ！ ！ ！已經唔再抱有希望嘅我，甜品終於到喇，就係鐵觀音雪糕多士，咦！又幾好食喎，雖然個雪糕好快溶，但上邊有黑糖珍珠，塊多士係外脆內軟，係好味嘅。而因為太口渴，就嗌多杯珍珠奶茶飲下，味道都係正常幾好飲㗎，所以總結，呢度都係食返甜品同飲珍珠奶茶好過啦，正餐唔好諗啦！

台灣過江龍春水堂都黎左香港一段時間，但人氣依然高企，經常大排長龍，可見受歡迎程度無被時間沖淡。今次食左佢地推薦嘅牛筋半肉紅燒牛肉麵同珍珠奶茶。店員另外俾左小小酸菜，可以根據喜好自行選擇放落麵。紅燒牛肉麵係必點，首先濃郁嘅湯底同麵已經值回票價，麵質煮得軟硬度岩岩好，好滑口。湯底有用八角令整體更有風味。紅燒牛肉不得了，煮到肉質好軟好淋，淋到可以用筷子整散舊肉！而牛筋都煮得好淋，入口即溶！好好食！珍珠奶茶好重茶味，珍珠細細粒好煙韌，簡單兩個字：好飲！香港嘅春水堂真係唔會令人失望，味道同服務都有水準，去唔到台灣嘅日子黎食都覺得開心佢地仲有香港限定嘅甜品，下次一定要試下！