Video
Read full review
2022-01-23
4405 views
今日去左一間新新地既仕德福酒店入面既德福閣食個自助午餐，貪呢度既自助午餐價錢唔貴，星期日價錢每位$258包加一。搭lift去德福閣要按M字，一出門口就見到一張長長既自助餐餐枱。生蠔每人包四隻生蠔，生蠔有大有細，大隻嘅生蠔真係好大隻，肉質實在，啖啖肉，唔會太鹹，質素算唔錯。自助餐餐枱有：一) 刺身壽司凍海鮮刺身有4款，分別係鯖魚，立魚，三文魚，八爪魚。鯖魚非常酸，其他都算係咁啦。壽司有鰻魚，三文魚，吞拿魚，熟蝦，墨魚。鰻魚雖然唔大塊，但係質素可以，舊飯好飽肚。凍海鮮有凍中蝦同加拿大青口。凍中蝦質地唔差，蝦頭有少少膏。仲有日式冷麵。二）沙律沙律有德國薯仔沙律同華都夫沙律。沙律吧有鮮青瓜片，車厘茄，香桃粒，粟米粒，紅腰豆，同雜法國生菜。三）冷盤冷盤有中華沙律，涼拌鮮腐竹，螺肉，酸白菜，粤式鹵雞腎。涼拌鮮腐竹好滑，酸白菜醃得酸咪咪，好食。日式雜錦小食有三款，分別係蓮藕片，竹筍同帶子裙邊。仲有煙三文魚配沙律菜，雜凍肉，煙鴨胸，海南鮮雞都算可以。 四）熱盤熱盤有素鴨拼炸饅頭，鮑汁荷葉飯，香煎蘿蔔糕，拿破崙意粉，天多利燒雞中翼，鹹菜豬肚，檸檬焗龍脷柳 ，花生豬腳，南乳素菜，芝士白汁焗生蠔。花生豬腳好
搭lift去德福閣要按M字，一出門口就見到一張長長既自助餐餐枱。
生蠔
每人包四隻生蠔，生蠔有大有細，大隻嘅生蠔真係好大隻，肉質實在，啖啖肉，唔會太鹹，質素算唔錯。
自助餐餐枱有：
一) 刺身壽司凍海鮮
刺身有4款，分別係鯖魚，立魚，三文魚，八爪魚。鯖魚非常酸，其他都算係咁啦。
壽司有鰻魚，三文魚，吞拿魚，熟蝦，墨魚。鰻魚雖然唔大塊，但係質素可以，舊飯好飽肚。
凍海鮮有凍中蝦同加拿大青口。凍中蝦質地唔差，蝦頭有少少膏。
仲有日式冷麵。
二）沙律
沙律有德國薯仔沙律同華都夫沙律。沙律吧有鮮青瓜片，車厘茄，香桃粒，粟米粒，紅腰豆，同雜法國生菜。
三）冷盤
冷盤有中華沙律，涼拌鮮腐竹，螺肉，酸白菜，粤式鹵雞腎。涼拌鮮腐竹好滑，酸白菜醃得酸咪咪，好食。日式雜錦小食有三款，分別係蓮藕片，竹筍同帶子裙邊。仲有煙三文魚配沙律菜，雜凍肉，煙鴨胸，海南鮮雞都算可以。
四）熱盤
熱盤有素鴨拼炸饅頭，鮑汁荷葉飯，香煎蘿蔔糕，拿破崙意粉，天多利燒雞中翼，鹹菜豬肚，檸檬焗龍脷柳 ，花生豬腳，南乳素菜，芝士白汁焗生蠔。花生豬腳好滑。南乳素菜味道唔錯，有好多唔同蔬菜材料，我食左好多轉。芝士白汁焗生蠔嘅肉質都係實在，唔會唔新鮮。
另外有燒香草肉眼，生生哋嗰塊好食啲。
粉麵檔有張紙仔比你自己揀鍾意食既配料，包括米粉，油麵，肥牛，鮮蝦，蜆，水魷魚，炸魚片，白蘿蔔，時菜。湯底好似得清湯。喺紙仔上面寫好想食咩就拎個數字牌坐埋位等服務員送上，想加蔥花同辣油就自己去粉麵檔度加返。
湯有兩款，一中一西。麵包唔係附近，要去熱盤附近攞。中式湯係紅蘿蔔薯仔番茄粟米湯。
五）甜品
糖水係紅豆沙。
甜品有黑森林蛋糕（層次分明，味道唔錯），班馬雲石蛋糕（慕絲又厚又滑），雜果啫喱，香芒布甸（唔錯），芒果慕斯蛋糕（輕盈唔膩），鮮果撻（有3款，分別係藍莓，士多啤梨同奇異果。撻皮算薄而脆口，上面有忌廉同鮮果，賣相同味道都唔錯。手快有手慢冇），杞子桂花糕，鮮奶焦糖燉蛋（都唔錯）。
鮮果撻，法式馬卡龍，雲呢拿泡芙
22 views
0 likes
0 comments
朱古力噴泉配料有棉花糖，大大粒紅提子，同哈蜜瓜。
水果有西瓜，哈蜜瓜，同菠蘿。西瓜又厚切又甜。哈蜜瓜都唔錯。
即製鮮果班戟由1點開始。配料有香蕉，提子乾，雜果，梛絲，杏仁片，同忌廉。可以揀朱古力醬或者士多啤梨醬。我鍾意自己加雪糕一齊食，熱辣辣同軟淋淋既班戟加埋冰凍融緊既雪糕同埋梛絲+杏仁片同時放入口，超正！
雲呢拿泡芙大大件，入面勁多忌廉。
法式馬卡龍硬身得黎算係脆，入面都有唔少果醬。有唔同顏色，色彩繽紛。
另外仲有咖啡奶凍同香蕉冰卷。
雪糕係雀巢，有朱古力，芒果同雲呢拿口味，仲有雪米糍。
熱香餅無試到。
六）自助飲品
自助飲品有維他命水，蘋果汁同咖啡機（有茶，奶同朱古力）。我飲左杯熱朱古力再加奶，熱量爆錶。仲有一個應節新年全盒。
食物方面唔係貴價野，選擇唔多，不過都夠食飽，有沙律有菜又有生果。座位舒適，唔洗同人逼同趕頭趕命。
Post
