德美壽司 (新都城中心1期) (Closed)

成日都會心絲絲想食德美既,今日就見假期就黎完結,就去會一會佢。環境都是整齊美觀,6點去食就好點,不用排隊,因為成日都好多人既。佢晚市係有定食的,不過今日就見左自己喜歡的單點,都不錯架。定食同單點都不是太貴,大家都可以考慮。今日點了:~最愛既窩燒烏冬:都係要讚用料、有蟹柳、炸蝦、冬菇、獅子卷、真係好鐘意食窩燒烏冬,湯底都好好味。~火灸鵝肝壽司:依個真係超正,因為有香口,而且鵝肝真係超肥美。~炒野菜:用料超級豐富,而且有落豚肉、櫻花蝦、味道超好,而且營養豐富,家庭必選。~青瓜卷:同一般既整粒青瓜不同,師傅係好有心機咁切絲既,食到津津有味最後仲有甜品、真係不錯的餐廳。佢都有好多分店,都是做得不錯的。大家可以去近你個間

都幾多人話呢間壽司 好味所以黎試吓見佢二人set幾多嘢食 就直接揀呢個三文魚切得幾厚 好味不過其中一舊有骨油甘魚壽司都幾好食 油脂幾豐富三文魚既骨煙三文魚沙律 有幾塊煙三文魚蕃茄同啲菜都幾新鮮 加埋胡麻醬 味道唔錯野菜牛肉鍋入面都有幾多牛肉一隻糖心蛋同埋菜 個湯底都幾甜中華沙律普通味增湯入面有一隻蜆有啲海大 個味有少少甘甘地同平時飲嘅味增湯唔同炒飯唔知係咪我哋放得太耐都未食個底變咗飯焦 咬落去有幾粒飯會好硬整體味道都係偏淡天婦羅有蝦、甜薯、茄子、南瓜全部都炸得幾好食 唔會好厚粉 又唔會好油條鯖魚好大條 好多肉 好味最後甜品係奶凍上面有啲芒果醬本身個奶凍都幾好味 奶味好重但係啲芒果醬好酸 加左反而冇咁好味另外嗌咗兩款壽司帶子幾厚身 不過感覺上唔夠凍咬落有啲黏海膽軍艦好味 食到鮮甜味

餐廳裝修睇落好有日本風，我揀咗坐吧枱，可以親眼見着廚師們處理食物嘅過程～呑拿魚腩茸三色丼 • HKD$148晚市叫呢個丼會配埋沙律、味增湯同甜品～帆立貝刺身幾鮮甜😋吞拿魚腩茸超多，絕對足夠配晒成碗飯黎食👍🏽呑拿魚腩茸嘅魚香夾埋三文魚籽嘅微咸，簡直係絕配🤤甜品係黃豆粉蕨餅，軟硬適中，作為一餐嘅完結十分滿足😊士多啤梨汁鐵板鵝肝 • HKD$78呢個有兩塊，而鵝肝嘅尺寸都幾大～但好得意嘅係個士多啤梨汁唔係滴喺鵝肝面，而係喺多士下面🧐多士都幾趣，配埋鵝肝嘅油香，食落隱隱約約有啲士多啤梨味，不過多d汁就更解膩～另外值得一讚嘅係侍應服務唔錯，而且做嘢好有效率👍🏽👍🏽

已經晚上八點，德美壽司門外仍然有不少等位的人，幸好之前訂了位，很快就有檯了。餐廳裝修幾靚，但有一點擠迫。餐牌選擇超多，有點選擇困難，最後點了$308精選二人餐，連加一服務費，人均消費大約$170，價錢不算太貴，套餐包括前菜、沙律、飯、湯、刺身、炸物、天婦羅、燒物、湯鍋，十分豐富。精選二人餐$308 日式前菜三文魚刺身鯖魚鹽燒枝豆 野菜牛肉鍋 日式炒飯 和風沙律 什錦天婦羅 大蜆味噌湯 甜品整體感覺滿意，環境、食物和服務質素都不過不失，可以一試。

今晚請朋友吃生日飯，之前試過尖沙咀的德美，覺得很好吃，食材新鮮。見屋企附近都有德美分店，沒理由不去試一試。星期五比較人多，我們等了一個多小時，覺得奇怪，因為他們一直叫二人枱，為什麼大枱就沒有呢？於是就去問店員，她竟然說你們的號碼已經叫過了！什麼？我們一共四人一直沒有離開過，但就從來沒有聽過有叫我們的號碼，經過一輪糾纏，終於有位了，真是餓死啦！我們極速 order 了食物。帆立貝，芥辣八爪魚，甜蝦 - 全部都很新鮮很鮮甜，如果蝦腸可以清得乾淨點就更好！軟殼蟹手卷 - 我們一人一個，軟殼蟹跟紫菜一樣脆燒雞翼 - 應該有椒鹽吧，吃下去鹹鹹的，好惹味 芝士鰻魚卷 - 必吃，大大粒芝士加上鰻魚，超多蟹子，好好吃呀鍋燒烏冬 - 有獅子狗，炸蝦，生雞蛋，熱辣辣的烏冬又很滑 oishi 活鰻魚朴葉飯 - 這個有點失色，我覺得鰻魚汁不夠，可能被葉子吸收了，飯有少許硬，不過可接受 最後有是日甜品食物是好吃，但服務質素就有進步空間了，因為價格不算便宜，服務質素應該要跟價格、食物一樣好才是喔！

今日經朋友介紹下去咗寶琳嘅德美壽司，餐廳入面接近full晒，好彩出面冇咩人排隊，所以好快就入座。餐廳套餐選擇頗多，例如魚生丼、飯類、定食，送埋沙律、甜品同湯，所以我哋每人叫咗一個套餐。首先上咗沙律同麵豉湯，沙律有炸麵包粒同一片魚生，幾新鮮。麵豉湯鹹淡適中，除左海苔，湯裏仲有豆腐粒。主角出場啦！就係德美海膽魚生丼。估唔到魚生分量超多，有三片三文魚，兩片油甘魚、兩條蟹柳、大量海膽、蟹籽同印住「德美」兩字既甜蛋。刺身非常厚身，海膽creamy，魚生肥美鮮甜，油甘魚肉質爽口，最特別嘅係醋飯內有乾坤，竟然有冬菇，為醋飯加添一份獨特嘅菇香味。女友叫咗銀鱈魚西京燒定食，銀鱈魚油脂高，但唔會話太油膩，肉質相當嫩滑，兩大片分量非常足夠。除此之外，我哋亦叫咗四款串燒，包括燒牛舌、燒雞軟骨、免治雞肉棒同雞皮。牛舌非常爽口，調味啱啱好。另外，免治雞肉棒表面微焦，啖啖肉之餘有咬口。雞皮燒到脆卜卜，好正！最後以甜品作結，仲要係我最鍾意嘅芒果味。