穴 (新城市廣場一期)

Open Now

Now Closed

哈哈，一星期前經電話，手機apps甚至親身行去訂枱都訂不到的好一間 *穴居酒屋*，4人再約今日walk in 攞枱，幸好抱着不到黃河心不死的情神，今日卒之有先頭部隊攞到位喇，讓我們可以食到午市套餐 ~ 吉列黑豚御膳，燒鯖魚御膳😘有湯有白飯有前菜又有蒸蛋仲有甜品 😋😋吉列黑豚烏冬就只有前菜同甜品 😋先來個前菜 ~ 什菜配沙律醬，中華沙律，普普通通啦！吉列黑豚御膳 ~ 豚肉炸至金黃色，外觀已經好吸引，一啖食落去，外表不單至脆，內裏仲好juicy，加埋醬汁送那碗軟綿綿的白飯，真係一流，連平時不大喜歡吃白飯的我也全部食晒吉列黑豚烏冬 ~ 豚肉當然同配飯的一樣啦烏冬好彈牙，湯底唔錯，但鳴門卷就略嫌失色了，口感不不大好，朋友吃了一片就放棄其他了燒鯖魚御膳 ~ 鯖魚肉厚，燒得又香皮又脆，再配醬汁，都是送飯的好餸，有了這條鯖魚，當然朋友也將一碗白飯食晒落肚了御膳的蒸蛋，蒸得剛剛好，滑滑的，好有口感，好好味，我好欣賞御膳的飯後甜品，紅豆蓉水晶糕，唔係太甜，但夠凍都唔錯㗎我見到隔離枱食天婦羅餐都唔錯下次再光顧時，我要試吓再者，可能人手不足，員工對客人的態度還有可以再改善的空間吧

利申 所有服務生嘅態度都極好極友善但個別女經理態度奇差 所以點都唔會番轉頭食🙄我地想問清楚個餐係咪跟燉蛋女經理要突登瞪大隻眼糾正我地用字: 蒸蛋呀嘛？其實你明我講咩咪得囉😅 你叻你叻然後完全不洩理會我地 叫左其他服務生應酬我地佢亦唔見得有幾忙.------------------------------想試穴好耐 定價會係偏貴嘅連鎖店但勝在午餐好多款 好多配搭 價錢又相對相宜所以今日同媽咪黎試下😌.首先沙田新城市呢個場唔知點解完全無冷氣咁坐得好唔舒服😫.但呢度嘅服務生好似特別受過訓練咁所以都好有禮貌.前菜及沙律.壽司及天扶良配蕎麥麵套餐 ($158)天婦羅: 有點油膩 但都頗脆 蕃薯天婦羅好似唔熟 仲硬硬地壽司五貫:全部都好好味 大愛帶子同甜蝦😍好厚肉好夠份量 而且味道鮮甜💕蕎麥麵: 感覺只是用作充飢 沒有特別.媽媽叫的北海道刺身飯 ($168)魚生非常新鮮👍🏿👍🏿👍🏿💕而且好足料 正！.甜品:日本嘅和菓子 透明嘅mochi包住紅豆餡😊唔錯不過都係個句 幾好食嘅野都好服務態度唔好真係唔會再幫襯！我比錢仲要受你氣😳😳😳😳😳😳😳

今日lunchtime時間係新城市搵下有冇新野食，見到呢間日本野個門面幾靚所以入左去睇揀左個迷你飯餐($138)呢個餐包沙律、前菜、熱烏冬式蕎麥麵同甜品，主食可以揀兩款飯或者一款飯加兩款串燒前藻係呢個有海蜇，夠入味，係一個開胃既前菜，然後揀左一個飯同兩款串燒飯係蔥吞拿魚飯，呢個飯唔好睇佢細細碗，其實食左一碗都幾飽肚，上面有生薑同山葵，山葵WASABI係自己磨既，所以就咁食都唔會覺得好辣好攻鼻，食塊酸酸辣辣既生薑就最開胃掀起下面係滿滿既吞拿魚，吞拿魚入口有即溶既效果，配埋即磨Wasabi更加可以帶出佢果種鮮味，食到少少油脂，食到吞拿魚既鮮，連埋底既醋飯好Perfect。熱烏冬亦係相當有份量既一碗，湯底唔會過鹹，鳥冬吸到湯底既味，唔會過稔，唔錯。串燒揀左青芥牛柳粒同牛油燒帶子，前者牛柳粒相當好味，皆因肉質好稔而且有調味，基本上就咁食都已經好好味，上面既Wasabi反而有d太多同攻鼻，搶左牛柳粒既味。後者鮮甜惹味。最後點少得甜品，一個午餐以甜品作結好完美，呢件係Cheesecake，一半係海棉蛋糕，食落唔會太膩，幾好。