李家 (Moved) New Location

其實佢係好韓國家庭式嘅食店，沒有華麗裝潢，甚至有啲兜踎，與韓國炸雞店相近。想不到星星令佢突然爆紅，客量完全超出小店嘅負荷。熱潮過去後，人潮回復合理水平，閒日晚上等兩張枱，還可接受。根據長居韓國的朋友所講，韓國人很多時晚餐會走幾場，食幾間餐廳，就算一大伙人，每一間點嘅份量也不會太多，只點最招牌最想食的share, 食完心頭好就即轉場，唔喜歡食完坐喺度hea。而雞炸，韓國人係唔會攞嚟當正餐嘅，只會當晚餐後cupping時的送酒食物或宵夜，但最流行還是宅配外賣，再加便利店買啲燒酒啤酒自斟自飲。電召炸雞市場競爭非常大，選擇之多如天上繁星，店家會以送精品或積分制吸客。其實一睇啲餐具就知佢走平民實而不華路線紅色雞食過多次，今次轉吓口味試蜜糖蒜蓉炸雞，評分俾紅色雞更高。蜜糖汁會比平時紅色雞汁稀少少，無咁黐立立，輕型啲。pat蒜蓉有少少苦味, 但蒜味已融入蜜糖汁內，淨點蜜糖已經有香濃蒜味。除蒜蓉外還有幾瓣蒜瓣, 雞帶少許辣，幾開胃。芝士蛋卷係招牌菜之一，大量mozzarella cheese做出拉絲效果，但我幾肯定佢用嗰隻芝士同我喺荃灣南豐九樓熱烘焙鋪買四十幾蚊一大包嘅急凍芝士碎係同一隻，呢隻芝士寫到

一想到韓國美食，當然是啤酒! 炸雞! 聽說李家是韓國人開的，應該可以食到道地美食吧，故晚上就跟友人，三人行一同前來試試。李家位置偏離尖沙咀地鐵站，不過也算易搵到。比預期中少人等位，不過也等了約20分鐘才有位。食韓國野，點少得先啤酒呢! 先叫2000cc 生啤，啤一啤吧，生啤味道好清，完全唔苦，好易入口 最岩一邊食炸雞一邊飲，Cheers!重點推介之一係芝士雞蛋卷，雞蛋好滑，入面有好香濃的芝士，但食落又唔會太膩，份量亦好多，三個人都食唔晒辛辣麵呢度的辛辣麵其實味道同公仔麵的辛辣麵真係差唔多，不過麵身比較彈牙，配合辣辣地的湯底，好惹味至於甜酸炸雞個汁酸酸甜甜好開胃，但覺得個汁太過洁，而炸雞唔夠熱。一開始食覺得唔太辣，不過越食越辣，食完好口渴，不過味道都OK。其實每碟份量都好大碟，三人三個餸都食唔晒，一齊食到捧住個肚埋單，真係好好味!

預早book位，一行六人來到李家。裝修簡約，是韓國的地道放工小酒吧的感覺，一行又一行的卡座坐得舒適。來這兒不少人是為了試試那天下第一辣的鳳爪，我們也正有此意， $180一碟，鳳爪上鋪滿了密密的辣醬，鳳爪煮得稀巴爛，有骨，初入口甜甜的但不到十秒辣度便一滴一滴的浸出來，滿頭是汗滿嘴及喉嚨皆辣得不成人形，呼叫聲不絕。是很辣卻就只有辣，鳳爪爛爛的失卻了其獨特的爽脆質感，$180一碟……全枱六人也不會推薦。反而炸雞做得美味，$160一碟有十來件，即叫即炸，味粉不會下得太多，外皮香脆肉質嫩滑，有我在首爾吃到的風味。最後點了個海鮮煎蔥餅，用料頗多但吃不回韓國吃到脆口感覺。韓國濁酒是便宜貨，很嚡口﹗試了一枝轉了啤酒﹗酒水與酒吧無異，$50左右一杯生啤或大罐啤酒﹗埋單位位$300，價錢挺貴，炸雞可一試，但鳳爪只為貪得意﹗