翡翠拉麵小籠包 (Closed)

早排腸胃比較差, 所以就想食得比較清淡, 亦因為呢個原因揀咗食上海菜嘅翡翠拉麵小籠包。翡翠拉麵小籠包其實有好多分店, 不過放工剛好路過荃灣, 所以去咗最近嘅荃灣廣場3樓分店。平日夜晚7點半到, 但門口無人等位, 基本上去到就直接有位。叫咗一碟88蚊嘅雪菜蝦仁炒飯、38蚊嘅生煎包同埋60蚊嘅菜肉雲吞湯拉面。雪菜蝦仁炒飯無乜鑊氣, 不過喺連鎖店食其實亦算意料之內。飯粒炒都幾分明又唔會太濕, 蛋同雪菜份量都幾多, 但蝦仁得幾粒, 以88蚊黎講唔太夠。生煎包一碟有3隻, 質素都係偏正常, 無乜特別, 餡料適中但無乜肉汁。如果想有飽肚感嘅話, 都可以叫下。菜肉雲吞湯拉面入面有4隻雲吞, 雲吞都幾大隻同足料但皮比較厚。面條嘅粗幼適中, 湯都幾淡, 比較啱口味偏淡嘅人。另外, 枱與枱之間嘅距離都幾近, 所以出入嘅時候要注意。幫襯呢類連鎖店其實都無抱太大期望, 只要唔太難食已屬過關。

本來打自去飲茶,但等位等左好耐都等唔到,所以馬上轉場,呢度原來有翡翠拉麵小籠包,所以就即刻去,好彩都未FULL,有位,我們有六大一小. 仲要有BB添呀, 好大堆頭的午餐.點左幾個麵,雪菜肉絲麵,擔擔麵,酸辣麵,小食點左手抓餅,雞絲粉皮,鴨,煎窩貼,生煎包,小籠包,炒飯.D麵好味,都好多料的,擔擔麵好香磨醬味, 又夠辣,正呀,酸辣麵都係,唔係好辣,但好香又多配料,D麵都唔會好淋身,幾爽口呀. 同埋都好多喎.手抓餅好香,夠酥,好味道呀,夠晒熱. 小籠包都好好味,皮薄肉汁多,熱辣辣一口食晒,GOOD呀, 窩貼都係,煎到金黃,入面勁多湯汁,唔係好熱,如果再熱D仲正呀, 雞絲粉皮就差左, 以前係好多雞絲的,同埋大份D,依家雞絲好幼好少,青瓜絲又少左好多, 總之係細碟晒.生煎包都係,縮左水. 這間分店都幾大, 環境都幾好, 有一邊係坐係出面, 感覺好似開陽D. 整體感覺唔錯的.

移民前曾經愛到尖沙咀的翡翠，她還是剛開業不久，第一次食時，真係驚為天人，從此就愛上。回流後，可能所有物價都上升，連帶尖沙咀翡翠的價錢都提升了不少，及後已很少食了。最近，她終於係荃灣開張，心思思想再回味其食物，於是寧可等上40分鐘，都要與她碰個面。可能已經太耐無幫襯的關係，Menu好像變了不少，起碼我從前不曾見過七彩小龍包吧！環境: 地方偌大，落地大玻璃，可望到街景與萬景峰，加上窗外下著雨，登時很有絲意似的。座位有小扶手，令人坐得舒服。擔擔麵配龍鬚拉麵: 如果點麵食，可以配8款不同的麵線，今次我配了幼身的龍鬚拉麵，貪其麵幼會更滑，而估不到的是，雖然麵幼，但掛湯度不錯。湯底滿滿花生香，而且越食越杰身，味道就越濃，正合我意；相對地辣度適中，推介。紅油抄手: 皮做得夠滑，肉份量適中，肉汁清甜，辣味對我來說已經足夠，愛辣的可能會覺得不夠辣。翡翠八星小龍包: 我和老公每人試食四款，當中包括鵝肝味、鮮菜味、黑松露味和原味等。本人最愛黑松露味道，估不到和小龍包都頗配合，出乎意料的好食，而且真的有點點黑松露味，不會名不乎實。另外，鵝肝味亦有驚喜，食第一口時，一點鵝肝味即溶了在舌頭上，好味道。鮮菜味就有沒