君滬鍋貼大王

Open Now

Now Closed

以前同老豆成日黎食，一入門口就臭臭地，係d醬料味。係一間平價上海小食店，點平法、生煎鮮肉鍋貼$15有5隻，豆漿$9碗。傳統飲豆漿用碗載住，唔知點解豆味都好似濃d，佢仲有比較少有嘅咸豆漿$16，都幾好嘅。鍋貼最正係煎到外面脆，皮厚所以有dd硬，但係餡料肉汁豐富，點埋豆瓣醬就仲正。不過豆瓣醬嘅味道聞落係有d臭臭地，未必個個鍾意嘅。碗筷清潔程度同大牌檔差不多，我都要抹抹先會用。裡面環境一般，快食或者外賣都唔錯！

今晚9時多來到新蒲崗，原本打算在Mikiki隨意找一間餐廳吃晚飯。誰知整個商場全部九點半截單，所以就出去大街搵餐廳。行到仁愛街，見到有間鍋貼店，就二話不說進去。飯店都算大和整潔的，食物種類多，小食，粉麵飯，甜品都有。最重要是價錢超級經濟，但食物也是保持水準的。首先點了個煎鍋貼，都算肉汁鮮美酥炸魚腐是必食小食之一，超級好味！ 沒想過19蚊就已經有這樣的質素！擔擔麵也是足夠二人的分量，卻只是$22一大碗。返到蝦餅就有一點遜息，不過入面都係有蝦肉，唔係粉嚟👍最後我仲點咗個豆腐花，亦都是9蚊大大碗！總括來說，現在係香港呢種良心餐廳已經少之有少了，呢一餐平民餐肚子滿足之餘，都慳咗唔小錢呢😂😂

又喺午後之輕食嘅時間，再次返到嚟新蒲崗，真喺變咗好多！今次唔想再食粉麵，所以入到嚟依間連鎖小店食少少嘢！一個人真喺食唔得多！所以叫咗 5 粒魚肉燒賣，5 隻生煎鮮肉鍋貼！其實喺人都知魚肉燒賣，只喺一舊粉團，不過好在多豉油！生煎鮮肉鍋貼又有咩特別呢？唔知喺咪自家製，不過皮薄，肉餡都比較多，而且煎香一面，加少少辣椒油，真喺幾唔錯！但驚喜喺依餐只喺 16 蚊，真係超級抵！