DALLOYAU

Open Now

Now Closed

成日經過呢間餅店，但唔知道裡面咁大咁多堂食位。裡面所有餐檯同椅子都好靚，好適合女士坐埋一齊傾計。可以叫set lunch, 2-course $288，3-course $338，不過set lunch可以揀的dishes不多，當日主菜只有黃油雞和卡邦尼意粉，所以我單點算。落完order馬上送上餐包，有法包同牛油軟包，個人比較鍾意法包，不過size比較細個，加上呢個形狀，頭尾略顯硬過龍，咬唔到。呢個係同行友人另加$30的前菜牛肉他他，望落肉質新鮮，伴礏有幾塊甜脆餅。我叫左香煎三文魚，煎得啱啱好，內裡的魚肉半生熟，一點腥味都冇，醬汁帶有少許橙味，好清新唔油膩。唯一缺點係份量較少，如果單點建議叫意粉或burger較好。

Happy Friday當然要找間高檔次餐廳，與愛妻共進晚餐。選了金鐘的Dalloyau，環境舒適寧靜。今次太太選了Set Dinner，我就試下叫散點。前菜是Norwegian Salmon Roll，味道清新可口，非常開胃的前菜。另一道是至愛的生牛肉他他，鮮味十足，配上即炸脆薯條非常美味。由於我散點沒有餐湯，侍應出奇地細心為太太的龍蝦湯分成兩份，供我們一同享用。主菜我們點了法國牛肉漢堡包，份量十足。太太點的是法式油封鴨腿，第一次吃這度菜式，非常驚喜！鴨腿皮脆內軟，配上甜酸醬料，美味非凡。可能這次點肉類太多，二人非常滿足，休息了良久才能叫侍應上甜品。最後一度甜品依然為我們送上驚喜，又是貼心地分成兩份，供我與愛妻甜蜜地享用。一間成功的餐廳不止於美食，也在乎於優質、專業、貼心的服務！

當日夜晚7點幾入座，唔係好多人。好快叫左一個頭盤、兩個MAIN COURSE同一個小食。係滿足既晚餐，特別推薦 紅酒汁慢煮牛頰肉 ！仲有生牛肉配上他他醬好正，仲有淡淡洋蔥味，再配上薯條真係不得了～流心朱容力蛋糕都不得了，超好食！ 食左呢個之後出面既所謂心太軟什麼都不是，好似誇張左，不過真係值得食啊！！ 

話說約咗朋友再一次拋夫棄女食好嘢。可惜朋友佢囡囡病左，情急之下唯有搵老公頂上。造就了我倆拍拖之夜。環境好👍氣氛好👍服務好👍今次食4 course都只係3XX今次頭盤叫了煙燻三文魚洋薊蘑菇，一如以往好清新美味。老公就叫咗生牛肉他他。其實我對生牛肉都有點抗拒。不過我試左佢少少後，就一啖又一啖接住係咁食。真係好好食😋主菜仍然是我最愛的慢煮三文魚。其實我想試其他，但實在太想食所以又叫返佢😂到pastries部份，侍應取了幾款比我地揀。最後選了玫瑰同朱古力味。同場最入房間開緊bday party. 竟然都唔係好嘈。咁就做就我倆在安靜環境下甜蜜蜜食到捧住個肚返屋企喇😋#happy hour買一送一真係好抵。最衰老公唔飲酒，得我自己飲無乜癮

今晚同友人來到DALLOYAU食晚飯，我地叫左set menu share，再叫多個main course同甜品，好滿足首先set menu有前菜生牛肉他他本身我個人唔係太好生牛肉他他，因為唔係間間都做得好食，而且好驚有腥味但因為友人想食，而且見到咁多好評，咁唯有試下啦食落去真係好驚喜，醬汁加埋洋蔥粒十分香同開胃，但又唔蓋左牛肉的甜味!之後staff仲suggest我地可以當sauce咁配薯條食，係另一番風味，好好食！5粒星！主菜有蔬菜酥同法國牧養黃雞食材十分新鮮，黃雞是去幾多次、幾多次都會叫的一道菜，強力推薦之後仲叫左cocktail同甜品，因為happy hour有買一送一優惠，友人好開心而且staff 仲好細心咁調配左杯配合佢口味的mojito，十分細心！