新曼谷泰國菜館

Open Now

Now Closed

表妹帶我嚟銅鑼灣食泰菜，本身上Openrice見到唔多食評，但去到原來好有泰國風味又乾淨，而且啲泰藉侍應姐姐都好友善。好少泰國餐館做到生蝦刺身$100樓下，仲要咁大隻，新鮮好味。生菜包食得多啦，鴨肉生菜包真係第一次食，好香好惹味，少少辣，好正！叫咗個椰子雞湯，好香椰子味，我個人怕酸，佢個湯只係微酸，好啱我口味，仲好足料，好多雞肉同菇類。我地叫咗個咖哩軟殻蟹，感覺軟殻蟹唔多新鮮，一般般，不過個咖哩汁好好食，送飯一流，連配菜都好味！四個人就叫咗個大既小食拼盤，可以喺5-6款小食度揀4樣，我地揀咗蝦餅、春卷、雞翼同串燒，樣樣都幾好味！飯後送咗個類似斑蘭椰汁千層糕，一小口，但好夠好好味！食物好味又抵食，服務又好，可惜係咁啱坐喺風口位，好快吹凍啲食物，但都好滿意！

今次已經係第二次幫襯，朋友生日要求再嚟，雖然唔係款款餸菜都出色，但勝在地點方便，價錢大眾化，服務都唔差，唔收切餅費。。。生蝦刺身 $90～好新鮮好彈牙又夠凍，醬汁又做得出色，極力推介泰式鳳爪沙律 $75～醃得唔夠入味同唔夠辣，鳳爪略為硬咗dd雞串燒(半打) $78～好大串有口感，燒得好香又唔會乾，推介炸春卷 $68～炸得香脆可口，大大件料又多，可以一試咖喱軟殼蟹 $128～有兩隻蟹，無雪味唔腥，百零蚊好抵食，又超多咖喱汁，送包或白飯一流蒜包(6件) $20～雖然大件，但夠唔熱同蒜蓉唔夠多鐵板蠔仔蛋 $88～幾好味，蠔仔唔算大隻，但有蠔味同無殼碎，可以一試濕炒牛肉河 $60～炒得好好味，河粉好滑，料又多，芡汁好味唔杰紅咖喱撈麵 $78～唔知點解叫紅咖喱，成碟麵都只得香草味，唔好味唔暢銷P.S. 帶蛋糕無切餅費5大3細共消費: $851