Marco's Oyster Bar & Grill (港灣豪庭廣場) (Closed)

🍴Marco’s Oyster Bar and Grill📍大角咀福利街8號港灣豪庭廣場地下G74號舖朋友介紹呢度嘅西餐好抵食又有得食蠔同牛扒😋✨生蠔✨St Vaasl (France) $28✨Fine De Claire (France) $28來自法國St Vaasl和Fine De Claire品質上乘的新鮮生蠔🥰淋上少量的醋汁和檸檬汁酸甜的風味搭配著蠔肉的鮮甜🙈✨法國鵝肝牛柳餐 $338呢個價錢可以食到甘多貴價嘅食材梗係要試一試啦呢個餐有齊Starter, Soup 同Main Dish誠意十足😍✨三文魚撻撻口感酥脆的多士配上配料一塊有三文魚有煙燻的味道一塊有碎蛋沙律😝✨法國龍蝦湯入口後有龍蝦的鮮甜及海鮮的香氣😍口感鮮美仲要配上焗熱左嘅餐包層次更昇華😋✨鵝肝拼牛柳牛柳要了5成熟內餡多汁，且不乾身肉質肥而不膩😚配上新鮮鵝肝和薯條非常滿足🥳✨凍檸茶+$3口感清爽清甜可以自己調教甜度個杯好高好特別🫶🏻

這一晚去大角咀探朋友👯‍♀️朋友帶我去附近搵野食剛好行過見到呢間西餐 Marco's Oyster Bar& Gril📍有抵食既生蠔🦪所以我地決定試下!-這家分別有單點同 跟餐既SET📝如果跟餐的話仲可以加點生蠔🦪所以我地今晚決定叫SET再加生蠔!每個SET會有餐包、餐湯或沙律!🥗餐包好暖，少少熱加埋牛油，好開胃🍞今晚想飲餐湯暖胃，餐湯係牛肝菌金蘑菇湯🥣好濃郁💡真係有蘑菇，估唔到餐湯禁有驚喜💯-主食方面，我點了蒜片活蜆炒意粉🍝蜆肉量十足，而且幾大隻! 啖啖蜆肉😍加埋蒜片🧄好香口呀!-朋友點了黑松露野菌帶子天使麵🍝好CREAMY既天使麵! 又係份量十足🤍而且有齊帶子，以呢個價錢真係幾抵食✅-最期待的當然係生蠔🦪跟餐加$60就6隻😍真係好抵食! 而且唔會因為平而細隻🎉好鮮甜呀! 而且啖啖肉!♥️鍾意食生蠔既朋友真係唔可以錯過一人6隻真係岩岩好夠 好滿足✔️-以這價錢，今晚真係好抵食又滿足😋不過坦白講，地點真係唔方便‼️如果唔係朋友帶我去我都唔識去🤪

好耐之前嚟過呢度食蠔，心思思一路想再食，難得搵咗幾個朋友聚會，就約咗嚟呢度晚飯，一早叫OpenRice約好晚飯，嚟到安排咗喺寧靜嘅圓枱位置坐低。一坐低梗係order左蠔先啦，然後慢慢揀嘢食，好多唔同Menu睇到口水都流埋最終我自己就揀咗個鵝肝拼豬鞍嘅set dinner而我哋亦都嗌咗田螺同凱撒沙律一齊share，說時遲那時快，傾傾吓偈老闆就親自為我哋介紹3款唔同嘅蠔🦪（食嘅次序係：法國Gillardeau>西班牙銀堡壘>法國St vasst（好彩有朋友update返我啲名））蠔又大又好食，不得了！個田螺都好肥美真心食得好開心，至於自己個set dinner，鵝肝拼豬鞍，簡直推到個晚餐上高峰，好Yummy今晚呢餐膽固醇之旅係絕對願意付出嘅我哋幾個朋友都食到唔捨得走，值得再嚟

因為約咗朋友食午餐，朋友專登就我嚟大角咀食，我就攪盡腦汁揀咗哩間蠔吧！之前唔知原來轉多一個彎就有哩間餐廳，每次行到港灣豪庭正門就轉左入去，我今日之後同哂啲同事講叫佢哋轉多一個彎啦！🤓🤓😎😎一坐低見到特價$10生蠔，唔洗考慮即刻叫得🤣🤣因為我同朋友都係好蠔嘅人😝😝啲蠔肥美鮮甜，真係唔叫就笨🤩🤩我哋兩個一路食一路開心笑出嚟😍😍☺️☺️我叫左廚師精選，原來今日係香煎比目魚，啱晒鍾意海鮮嘅我🥳🥳朋友叫左薄餅，我哋揀咗辣肉腸🤤🤤跟餐嘅餐湯同餐包真係真係冇得輸，個湯飲得出有heart架，係足料唔係求其架！個餐包仲要外脆內軟好軟熟，係好香楓蜜味嘅麥包，我哋食完生蠔飲完湯都好興奮，食物質素好滿意👍🏾👍🏾👍🏾終於到主菜時間，我個比目魚肉質實淨唔會梅好香魚味好食呀！不過朋友唔喜歡魚味，佢話唔啱佢口味😂😂朋友個薄餅好香脆，不過一口痱滋嘅我都係乖乖地食返自己個魚算喇🙈🙈甜品嚟到已經好飽好飽，面層焦糖好脆，燉蛋我自己喜歡滑嘟嘟嘅質地，哩個有少少實在，我哋咁飽情況下會覺得更加飽😂😂🤔🤔

見間野試業一排屋企附近就Try Try，點知奶野喇...1. 有飛蟲衛生差，其實大角咀Grp前排有人講過，但餐廳似乎不以為然，經理仲要抵賴外面飛入黎，一味推卸責任，不願承認錯誤，冇誠意。2. 食品平平，但價錢極貴。食幾隻生蠔+Pizza+沙律 接近$500，同樣價可以去中環Soho食好西，點解要喺度罰自己？3. 廚房員工及經理質素差。疫情下 廚房依唔戴口罩，餐廳管理不善，經理都有問題，要客人提醒踢一踢先踢一踢先郁一郁，隨時連茶記都好過佢。公道d，其他員工服務正常，不過見有人身上有彩繪，返工時間摺返落黎觀感會好d，大排檔就冇所謂，但呢間假假地叫做西餐廳。4. 生蠔質素參差。同款生蠔，一隻正常有肉地，一隻訓覺冇水份瘦底完全冇味未食果時望外表唔掂，你(經理)又話新鮮唔換，食左有問題又賴客人食左落肚喎，咁你玩哂啦！一向食開其他生蠔店做法都係比過另一隻，食到背脊骨落。做OysterBar做到你咁縮骨都係第一間，完全唔明憑咩自信呢種態度可以做到街坊生意。