MR. MAKI (保和大廈) (Closed)

唯有午市繼續食好啲，相信總有一日晚市會返嚟嘅！是日推介外賣為位於灣仔的 Mr Maki，主打卷物和丼飯，特別是卷物有好多選擇。暫時外賣自取滿$200有85折優惠。名字都充滿趣味，包括：麻麻地軟殻蟹、牛油果先生、佛系轟炸等等，相當有趣。◽ 魚 全部都係魚 $79作為招牌款式之一夠哂搶眼，底部係三文魚卷，面層是滿滿的吞拿魚，難怪有呢個名！◽ 吞拿魚兩味 $98帶吞拿魚、吞拿魚蓉、粟米、牛油果及沙律菜等等，材料豐富又新鮮，食完好滿足！◽ 先生炸雞 跟餐+$19即叫即炸熱辣辣，雞肉不會太乾身又帶肉味，推介！◽ 番薯條 跟餐+$25同樣熱熱的，炸至香脆又有番薯的甘甜。◽ 沙律 跟餐有菜有番茄，好fresh！▪️ 飲品 跟餐跟餐有多款飲品選擇，有茶、汽水可以揀。

餐廳剛開業時曾經來過一趟簡便午餐，今天特別累，決定在此買兩個套餐回家一邊煲劇一邊吃小店裝修光猛簡潔，十分企理，並設有數個座位供食客堂食開業優惠！招牌卷物加$15至$20便可升級為包括小食、日式沙律及汽水梳打的套餐外賣包裝整齊，方便攜帶，即使要再坐車回家也不怕弄翻日式沙律味道清新可解一解油膩知我咩料為吞拿魚拖羅炸飯薄餅鋪滿拖羅蓉，餅底香脆可口帶子被困火焰山是一款烤焗的卷物，有帶子、蟹棒、青瓜、蟹子及牛油果，食材豐富，味道及口感都很有層次小食先生炸雞肉質嫩滑番薯條綿密香甜汽水梳打有多款味道選擇！提子味及波子汽水味甜度適中

Mr. Maki 雖然睇落似外賣店既格局, 但係都有提供少量座位堂食. 主打壽司, 但就唔係賣傳統既壽司. 主要賣特色卷物, 每款係出面都無食過, 全部自家創作, 創意十足我地今次叫左魚全部都係魚有拖羅，三文魚，蟹籽和脆趣. 魚油油香十足 個人覺得吞拿魚拖羅最正同埋帶子被困火焰山芝士份量足料, 加上蟹子,牛油果, 味道帶有層次, 基本上唔洗加豉油都OK夠味另外都推薦大家加個小食set. 因為只需要$15-$20左右, 就可以有一款炸物, 沙律同埋野飲. 炸雞多汁嫩滑. 野飲方面除左普通汽水, 仲有罐裝波子汽水, 都比較少見俾錢嗰時見到+$2可加配黑松露沙律醬咁就加左 咁就既可以食到炸雞/番薯薯條既原汁原味 又可以品嘗到黑松露沙律醬

灣仔新開張嘅日式外賣小店，位置對一般人來講應該唔算就腳但係就係我屋企附近，所以今日放工專程走過嚟叫咗兩份外賣。確實非常有驚喜，做得非常用心，灣仔區嘅朋友可以黎試一試啊。🌟帶子被困火焰山 $59一睇到個名就好有畫面，出到嚟嘅成品亦都係非常之貼切，呢款卷物有齊帶子、蟹棒、青瓜、蟹子同埋牛油果，非常之足料，加上火炙芝士係面，食落好有層次。🌟魚全部都係魚 $69確實裏裏外外都係魚，吞拿魚擺喺面，而三文魚就夾喺卷物入面，仲加咗一啲炸物脆脆同蟹子，食落有脆有軟真係好過癮。🌟先生炸雞 / 番薯條新店開張仲有優惠，加$15就有小食、沙律同埋飲品，今次分別試咗炸雞同埋番薯條，兩樣都係即叫即炸，炸雞當然有雞味啦，仲好Juicy，而番薯條就更加值得試，呢個價錢買到番薯條性價比真係好高。