沙嗲王 (官塘工業中心) (Closed)

去沙嗲王，識食一定係食白咖喱豬扒飯，白咖喱汁真係好好味好特別，第一次食都係係沙嗲王先食到，佢果隻豬扒都特別正，又香又好味又夠多次次都有幾塊豬扒，多到兩個細食既女仔分享一個餐都夠食，有時我同個女仔朋友都係咁分享再點多幾個小食，百零蚊一餐就食到飽一飽，由中學到畢業到出嚟做嘢都勁鐘意食沙嗲王，中學果陣覺得沙嗲王好貴，到出嚟讀書發覺沙嗲王真係好抵食🤣🤣🤣呢排Lunch成日都係食白咖喱豬扒飯，每次四個同事都係一齊食白咖喱豬扒飯，好好笑，平時呢段時間去觀塘分店食都無咩人架，但今次去食........雖然未滿曬人，黎得兩個餐.........另外兩個餐就等左勁耐，搞到紋紋地，因為要趕住番公司打卡嘛......好彩最後都食得切，如果唔係下次都唔多敢係lunch去食😓lunch都係60幾蚊一個餐，加15蚊又可以加兩隻雞翼，幾個同事一齊食夠250又送支超好味既沙嗲王辣醬，又有薄荷糖任拎好好食😋

忽然想起沙嗲王嘅招牌白咖喱豬扒飯，於是放工後便來這裏開餐。估唔到差不多八點嚟到竟然需要等位。果然今日想起沙嗲王嘅人不只是我。今晚嘅白咖喱豬扒飯水準同以往差不多。炸得金黃嘅豬扒雖然係雪藏貨，但配上濃味嘅白咖喱非常之夾。豬扒分量充足，絕不欺場。豬軟骨飯嘅豬軟骨煮得入味，送飯一流。另外叫咗兩款小食，避風塘炸豆腐用鐵板上，保溫之餘同時亦令豆腐更香脆。蜜糖燒雞翼上枱時有啲似某數字哥的土匪雞翼，如果多啲蜜糖會更加野味。

好耐都無食過沙嗲王既白咖哩豬扒飯今日專登去叫左個外賣當然要人氣No 1嘅白咖喱豬扒飯 $61白咖喱汁同飯分開放，唔會返到屋企嘅時候啲飯索晒啲汁淋到一patpat 醬汁份量足夠，帶點微辣好惹味豬扒偏淋身，唔鞋口唔靭而且仲有成3塊豬扒山咁一定夠晒飽餐牌

好耐無食沙嗲王，應該超過一年了。知道佢地觀塘嘅分店搬左去工業大廈，當然要試下啦。晚上630入去位置仲有好多，7點後就經滿座要排隊等入了。侍應人手嚴重不足，都唔夠人收枱落單，嚟食嘅話要耐心等候了。講返食物，種類少左好多……我最鍾意嘅xo醬海鮮炒飯無左……沙嗲王嘅主打白咖喱豬扒飯一如以往咁好食豬扒軟硬適中，唔會煎過頭同場加映白咖喱豬烏冬，我開頭以為咖喱汁會分開上，但原來撈埋入湯底，味道無被溝淡左，烏冬好煙韌，正脆蝦棒一樣咁脆蜂密芥末雞翼，2隻味道都食到，甜甜地又會芥末味