LA FAMILLE

Open Now

Now Closed

認識我的朋友也知道我鍾意食甜品, 早前經過尖沙咀K11, 見到有一間店的蛋糕好靚, 叫La Famille, 所以就買了幾件蛋糕返屋企.我選了白桃巴伐利亞, 日本柚子戚風蛋糕和雙重朱古力戚風蛋糕.三款蛋糕也賣相相當精緻.日本柚子戚風蛋糕. 入口幾清新, 有啖啖柚子的味道.好適合依加的天氣食.中間有忌廉, 蛋糕幾鬆軟. 雙重朱古力戚風蛋糕. 我最愛朱古力.朱古力幾香濃幼滑, 但甜度適中.我最愛中間朱古力慕絲. 白桃巴伐利亞. 這款係三款蛋糕中賣相最吸引.上層係啫喱, 當中有白桃和食用花.下層係慕絲. 加入生果, 特別清新.

經常見呢間店賣廣告或者做活動，所售既唔係普通蛋糕，而係戚風蛋糕及巴伐利亞，比較特別，適逢朋友生日，就買黎同佢少少地咁慶祝下。甜品店甜點選擇由於我比較晏既時間去到，所剩無幾，就係有既款式上面選擇，店舖專售戚風蛋糕及巴伐利亞，味道都多。意式香草奶凍 $54新品，上面有藍莓做裝飾，蛋糕面有布丁，切開入面無餡就係戚風蛋糕，蛋糕軟熟唔似食空氣，食落甜度較少，適合香港人口味。白桃巴伐利亞 $46巴伐利亞係原產於德國南部巴伐利亞地區，上面係水晶造型加入食用花，底部有布丁，揀左白桃味而，造型精緻，白桃肉不少，食落去仲帶淡淡花香，啫喱及布丁口感，感覺清新。朱古力/法國玫塊/焦糖/抹茶瑪德蓮蛋糕 $18/個另外自己見到仲有瑪德蓮蛋糕所以都試下，每隻味要左各一，以為係普通蛋糕仔冇乜特別，估唔到都有驚喜，例如法國玫塊，蛋糕入面真係有玫瑰碎，食落香氣十足，除左signature items，瑪德蓮蛋糕都要試下。一個小蛋糕五十幾蚊左右，如果單獨同老死慶祝好岩，當然都有大size提供，唔洗食黎食去都係果幾間集團連鎖店。

La Famille是主打輕形、清新、日系風的戚風蛋糕專門店。蛋糕花款及囗味眾多，一個個精緻的蛋糕放在玻璃櫃內，令人目不暇給。日本完熟蜜瓜 ($60)味道清新，蛋糕口感鬆軟綿密，濕潤度剛好，加上忌廉不多，只集中於蛋糕的中心位置，甜而不膩。白桃巴伐利亞 ($46)品嚐過巴伐利亞令我念念不忘。賣相精緻，上層為透明啫喱內藏食用花及水果，下層是軟滑香甜慕絲蛋糕。甜度不高，入口即化的口感，吃掉整個也不覺膩滯，令人回味無窮。