語命Cafe (Closed)

平時溫書睇書最中意搵d樓上cafe安安靜靜咁坐下 呢間語命cafe我第二次黎幫襯架啦😍今次係平日收左工先上黎 所以人唔算好多 幾枱咁 可以俾我靜靜地坐兩三個鐘都得☺️😛 今晚我就食左個main dinner dish M7:白酒海鮮意大利飯 個飯上到黎熱辣辣 材料都算多 最中意粒帶子😚如果可以用多d牛油煎燶少少就正啦🤤🤤 青口又有兩粒 蜆肉無限多😂 補十至十幾蚊差價仲可以有杯特飲都幾抵飲💁咁凍我就梗係要杯熱既抹茶朱古力先對得住我呢個抹茶控哦💁🤓🤓杯抹茶朱古力真係highly recommend!!! 一拎到黎已經聞到好香 飲落唔會得個甜既抹茶粉溝融既甜味 帶點抹茶既苦澀同朱古力既香滑 加埋個靚拉花 仲只係加$10！！無得輸阿😭希望以後都keep住唔好加價啦🙈睇書坐左個半鐘又開始口渴😂我就加多杯星座特飲--白羊（白）試下tim🤔 雖然介紹係沙冰 但飲落又唔似思樂冰既口感🤔可能偏乳酸同白桃味多 無話食冰碎咁既感覺 都唔錯既 不過我都係中意抹茶朱古力多d🤤💕

A姐：你信唔信塔羅牌架？M佬：Um....講我好就信，講我唔好就唔信！A姐：不如我哋去玩吓塔買牌啦，睇吓我哋幾時結婚吖！M佬：唔駛啦，我知呀！最後，我都係唔夠A姐講，俾佢帶咗嚟旺角嘅語命Cafe，將我哋嘅感情交咗俾命運塔羅牌，結果係點？係未好想知呢？但除咗我同A姐同塔羅大師之外，其他人唔可以知！其實旺角有好多Cafe，每一間都有唔同主題，呢間就係用星座同塔羅牌做賣點，而飲品就以星座為題，好有特色。白酒海鮮意大利飯店員話因為今日青口無貨，所以將其他海鮮俾多啲你哋啦。呢個海鮮飯好creamy，睇落份量唔多，但食落都好飽。至於海鮮雖然係用上冰鮮嘅，但未食到有雪味，驚喜嘅係有帶子兩大粒，仲彈牙添！香蒜虎蝦炒意粉意粉炒得乾身，蒜味濃郁，認真唔錯！大蝦煎得好香，少少黑糊椒調味，夠晒醒胃。雙子座雙子座即係藍檸檬梳打，酸酸甜甜好好味！