SuperNormal (淘大商場2期)

Open Now

Now Closed

今日同朋友去咗九龍灣淘大廣場食一間叫Super Normal嘅西餐廳，餐廳嘅裝修、環境、燈光都幾有氣氛。我哋嗌咗白酒煮法國藍青口配蒜蓉包、原隻脆皮酒香燒雞、蒜片紅椒藍蟹肉扁意粉同厚切牛舌芯。青口嘅份量好夠，隻隻都幾肥美，用白酒、奶油同洋蔥碎煮成嘅白汁同青口好夾，香脆蒜蓉包配埋白汁一齊食真係好好食。脆皮燒雞係原隻連埋雞頭一齊燒，餐廳好貼心咁提供咗膠手套，食完唔會整污糟對手，燒雞嘅皮燒到好香脆，令到戒咗食雞皮嘅我都忍唔住口食埋d皮，戴住手套可以手撕雞肉，啖啖嘅雞肉仲保持到多汁嫩滑，唔會燒到太過火候，配埋一個酸酸甜甜嘅燒汁一齊食開胃，基本上食完隻雞已經好飽。蟹肉扁意粉喺一個幾乾身嘅炒意粉，啖啖蟹肉嘅份量都唔少，配菜有蒜片、紅椒同蘑菇，個扁意粉有少少辣味幾惹味。燒牛舌芯燒得好香口，牛舌芯切得幾厚身，所以咬落去幾有口感。幾推介經開九龍灣嘅朋友嚟試一試！📍九龍灣牛頭角道77號淘大商場2期地下G196-199號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

平時媽咪煮飯買餸餐餐諗食咩，都諗到頭痛😵‍💫今晚一於約媽咪出去行街shopping食飯鬆一鬆😆九龍灣淘大開咗好多新店，一於去朝聖下，行到肚餓，經過一間西餐叫Super Normal，佢promote緊德國咸豬手，我同媽咪急不及待咁飛入去😄環境舒適寧靜，大約有20張枱左右，裝修精緻，有個bar枱區，我地選擇小角落坐低Menu以西餐為主，有二人餐同其他主食，媽咪話想食豬手，所以毫無懸念就選單點白酒煮法國藍青口配蒜蓉包 | $118藍青口係my favorite之一，睇到即點，個醬真心好味，夠香濃又唔太咸，占滿醬汁嘅蒜蓉包係👍，青口數量多又入味照燒日本鰻魚扁意粉 | $152條日本鰻魚真係有成隻碟咁長😮照燒汁入哂鰻魚肉到，令意粉好好味柚子脆皮豬手 | $178本身有泰式秘制汁同柚子汁兩種選擇，但媽咪唔食辣😂所以點咗柚子味，一上菜已經好吸引，熱辣辣脆卜卜，睇到都流哂口水，另外配左個蜜糖芥末醬，好好味呀～雖然食到好飽，但都清哂碟2個人食到飽碌碌，覺得性價比高，可以下次再嚟

九龍灣· 將平凡變出不平凡的豬手SuperNorma📍九龍灣牛頭角道77號淘大商場2期地下G196-199號舖➰好歌推介「捉緊小小快樂，雪糕杯有一種美學，走出漆黑角落，聽沙粒說一種哲學，記得 一身輕巧快樂。」.#夏之風物詩 #林家謙.➰今日朋友嚟到九龍灣覓食，隨即約我一聚，要數區內人氣最高嘅，非淘大商場一間工業風酒吧餐廳莫屬，餐廳距離九龍灣站約5分鐘路程，位置方便。餐廳長期滿座，最好提前預約，裝潢走工業風格，亦設有戶外用餐區，室內座位燈光較昏暗，夜晚用餐氣氛更佳。.➰✥芥末牛肉沙律 💲88 ⭐️4/5⭐️沙律色彩繽紛，牛肉色澤粉嫩，配上沙律十分滋味，另外芥末醬偏溫和，不用擔心太搶喉。.✥白酒煮法國藍青口配蒜蓉包 💲118 ⭐️4/5⭐️青口份量豐富，偏向細小但亦較嫩滑，濃郁白酒汁搭配香脆蒜蓉包十分惹味。.❀柚子麥啤浸脆皮德國鹹豬手 💲148 ⭐️4.1/5⭐️ (原價💲228，本月份期間優惠) 此店招牌名物的德國鹹豬手，豬手皮脆肉嫩不在話下，入口還散發淡淡柚子味，令整體更加清新，多食幾件亦不會太膩，醬汁亦是偏甜，更容易入口，推薦。.𖥕1664 💲78 ⭐️4/5⭐️𖥕大三元手工啤酒 💲64 ⭐️4/5

之前經過九龍灣都見到呢間西餐廳，今次決定黎試一試。我哋7:00嚟到，但已經坐滿左七成人，好彩前一日喺OpenRice上book定位，如果唔係應該都有排等。餐廳環境都幾舒服，啱晒同朋友傾計。今次我哋選擇咗單點，食物選擇都幾多。白酒煮法國藍青口配蒜蓉包（$108）青口份量都幾多，忌廉醬汁好濃厚，加埋啲洋蔥，一上枱都好香下，諗返起就好想食🤤另外蒜蓉包好鬆脆熱辣辣，好正。黑松露野菌扁意粉（$115）黑松露味道好香，完完全全融合喺意粉入面。野菌嘅份量都唔少，意粉軟硬度都適中，係一碟唔錯嘅意粉。法式紅酒牛膝（$228）上菜時有驚喜，原來店員會喺我哋面前點火，店員都好親切叫我地準備手機打卡。牛膝煮到好淋，輕輕力就能夠切開，加上淡淡的酒香味，係一碟有心思嘅菜式。伴碟嘅薯蓉亦都非常之好食，好滑好香，即是我哋都好飽但都忍唔住食晒佢。另外份量都好多，最後我哋兩個人都食唔晒。總括而言，餐廳價錢合理，味道出色，菜式比一般連鎖嘅西餐廳有驚喜。店員態度親切，有問必答，而且又冇限用餐時間，有機會一定會再嚟光顧，試埋其他嘅菜式。🔸🔸🔸🔸🌟價錢 - 8/10 🌟回頭指數 - 9/10