唇茶 (堪富利士道) (Closed)

嗰日喺大熱天下，行行下街好攰，想飲杯凍飲但又不想飲珍珠奶茶，竟然被我發現呢間茶店係以茶做主角，桃膠取代珍珠，也沒有奶蓋奶茶，好啱我呢啲注意健康飲食嘅港女飲😁白雪薰飛 (HK$34/大杯)．要求咗微糖少冰，店員話做唔到走糖啦～．這杯有白桃、薰衣草和烏龍茶．白桃汁的甜蜜和烏龍茶的獨特清淡茶味都幾夾．我本身比較怕薰衣草味會太濃，但飲落覺得佢唔係好出，所以啱我口味😁．杯內有幾多桃膠喎，有咬口又有養身功效

唇茶主打真材實料嘅桃膠茶飲，唔用糖水同糖漿，只採用冰糖同黑糖，係手調飲品中比較健康嘅選擇！不過亦都因為呢點，每杯飲品甜度都比一般嘅低，所以叫嘅時候可以飲正常甜度/少甜就夠，如果唔係會比較淡啦😉除咗桃膠之外，配料仲可以揀奇亞籽，不過我哋兩杯都揀咗桃膠，口感食落好似啫喱，有啲咬口但唔甜，而且每杯嘅桃膠份量都幾多，可以滿足到想咬嘢嘅口癮，但又唔會好似食珍珠咁食咁多糖同澱粉～•🥢 白雪薰飛 (微甜 少冰) $32微甜飲落真係冇咩甜味，但烏龍茶味更出，仲有淡淡嘅薰衣草味，不過就唔係幾飲到白桃味啦🥲•🥢 紅葉開花 (少甜 少冰) $32呢杯其實係玫瑰、山楂、洛神花加荔枝紅茶～聞落有微微玫瑰花香，但山楂同洛神花嘅酸味比較突出，飲落清新解膩，餘韻有荔枝紅茶嘅香甜🤤 本身叫想叫微甜，但店員話會比較酸，所以改咗少甜，飲落真係啱啱好😋