小排檔懷舊車仔麵 (Closed)

之前看到Openrice去吃了幾次總是忘了寫食評，天天加班今天心血來潮拉著男友又來天氣涼一點，坐下來吃更舒服照舊點了45元餐，非常抵食6個餸，配河粉蘿蔔跟油麥菜如常清甜豬手爽口得黎好開胃金錢肚、牛坑腩、冬菇非常入味最後叫番杯檸檬蜂蜜，同平時飲開既唔同，甜甜地唔會膩好重要香港越來越少的小店吃的不單單是味道還有平淡中幸福的人情味在什麼都談利益的世界中有時候看到店子的人跟客人像朋友一樣慰問更值得珍惜與感恩

之前電視節目訪問過呢間車仔麵嘅老闆娘， 欣賞佢嘅堅毅性格 ，知道係深水埗區 ，今日順路過嚟食碗車仔麵。鋪頭細細但乾淨企理， 今日同老闆娘緣慳一面， 細佬坐陣， 也相當親切有禮， 見到唔少熟客， 同佢有傾有講。叫咗六寶套餐$42， 即係有粉麵加六款餸 (不論價錢) 細豆漿。咁抵， 就咁啦。揀咗淮山麵線， 因為車仔檔好少呢隻麵， 幾爽滑，唔錯唔錯 有六種醬汁選擇， 心大心細 ， 終於揀咗腩汁，但係佢哋好好畀咗一小碟沙嗲(唔辣)我試， 的確唔辣但係好惹味糖心蘿蔔 ，的確好甜而且冇渣 爽口豬皮 ，食車仔麵食豬皮最正， 豬皮爽淋適中，索曬啲湯汁秘製牛坑腩，秘製金錢肚，秘製牛筋，全部都 好淋好入味， 而且份量不少仲叫咗人氣No. 1 嘅白雲豬手， 酸酸地，微辣， 夠爽口 ，好抵食。枱面仲有自家製嘅辣菜脯， 加少少落去， 刺激味蕾， 好過癮!自家煲嘅瑪卡蜜， 瑪卡含豐富營養素， 對人體有滋補強身嘅功用， 甜甜地， 幾滋潤。舖頭細細但會派發惜食麵券👏👏👏

主打多款懷舊同特色味道的小排檔車仔麵雖然地方細小，但真係食出滋味六寶麵套餐 $42加錢點了個淮山麵，爽口得嚟掛湯能力好高餸選了好甜嘅蘿蔔爽口麻辣豬耳，少有的果皮魚旦，蠔油冬菇，牛栢葉，豆卜，加少少豬油膏香好多，仲有必落辣菜脯提味更高醬汁魷魚$12 好入味香濃好正喔白雲豬手 $12外皮爽口身脆口，入面好嫩腍，夏天食好正另外必試瑪卡蜜$20清潤得嚟仲好多攻效重點：逢星期六晚上7:30-8:30仲會有個惜食麵活動，持有長者咭可免費領取一份

果日喺西九龍中心做完嘢，跟住同成班工作人員喺附近求其搵個地方食飯，無諗過哩間車仔麵咁正！首先佢有好多選擇，同埋有好多平時其他車仔麵檔無嘅餸揀，好似長洲大魚蛋，白耐豬手等等，而且仲要價錢唔貴！我叫咗清湯蘿蔔，咖哩螺肉，白雲豬手，長洲大魚蛋烏冬。長洲大魚蛋好彈牙，又有魚味，真係同我喺長洲食嘅一樣，不過可惜得一粒😂 白雲豬手味道就係同白雲鳳爪一樣，而且豬手煮到好腍，最重要係無毛，清潔得好乾淨！蘿蔔好甜好腍，而且無渣！真係好正！仲叫咗支乜乜蜜糖水，不過味道同普通蜜糖水差唔多。下次經過深水埗一定要嚟再食埋其他餸先得！老闆娘話喺旺角搵緊舖，係就好啦！夠晒方便！