一點心 (通菜街)

Open Now

Now Closed

午飯放lunch突登坐車落太子食點心😂好耐以前食過一點心，當年仲未大裝修，所以今日重遊舊地唔認得出佢個新look，哈哈！餐廳煥然一新，地方大左，光猛左。食飯時間人多，有堂食也有外賣，幸好一入去就有位坐。皮蛋瘦肉粥皮蛋有大有細粒，不規則切碎，皮蛋味唔夠濃。肉粒喺方粒形狀，唔會因為瘦而嚡熠熠。粥底夠黏身，唔會係粥水，夠飽肚！薄皮鮮蝦餃皮係真係薄既，而鮮蝦大大舊爽滑彈牙，幾好食！茶就唔知點解淡而無味，得個深色，完全無茶味，只係飲左半杯就唔想飲落去... 茶位6蚊一人...

元宵節又去行吓花墟應吓節, 之前就去一點心度醫肚先, 我平時多數閒日仲tea time來, 所以好少見到呢d周日排隊虛'憾'場面, 我次次都只是walk-in就有位, 今次要等30分鐘.點了鳳爪, 牛栢葉, 四寶雞扎, 皮蛋瘦肉粥, 沙薑雞腳, 精製馬拉糕, kick錯了古法馬蹄糕, 亞姐好醒目的問我是否真的要馬蹄糕, 樣樣都仍是幾好食除了那跌watt四寶滑雞扎, 其中一件好像被人拿了一部分似的, 又少了一隻冬菇添, 舊火腿仲鬼死咁肉酸, 睇到人地隔離枱碟滑雞扎正常地咁靚, 唯有感嘆我地時運低啦, 唔食晒d馬拉糕為了多點一個鮮蝦菜苗餃, 富貴呀, 豆苗近日成百蚊斤架 $14咋, 好味.雖然咁忙, d亞姐都不斷的自動波添茶, 聽到如果有人叫蛋散, d亞姐就會問要蜜糖定煉奶喎, 以前淨得煉奶加花生, 食過一次就咪搞我lu, 下次試吓先.

不知道這裡是否生意太旺場了,所以叫樣樣點心都無.....點了煎蘿蔔糕,煎堆仔,蝦餃,黑椒牛仔骨, 豉汁蒸鳳爪,皮蛋瘦肉粥,咖哩蒸魷魚煎蘿蔔糕: 都不錯,不會粉多過蘿蔔,味道還不算太鹹(70分)煎堆仔: 加埋上一次幫襯,已經點了兩次,真的很正,裡面的芝麻雖然我不愛吃,但跟那個煎堆配合得好好~平時我連芝麻糊都不愛吃,這件小小的點心令我愛上芝麻了(80分)蝦餃: 皮薄,餡都不錯~蝦好爽口,而且又不太多肥肉(75分)黑椒牛仔骨,豉汁蒸鳳爪: 無乜黑椒味,但味道鹹淡適中~鳳爪好淋,都好入味(70分)皮蛋瘦肉粥: 原來這裡的粥真係好好味,食落口感覺似係屋企煲的一樣,同埋無咩味精,我每次來到都會點這碗粥(80分)咖哩蒸魷魚: 感覺麻麻地....好普通的魷魚(70分)經過這兩次幫襯之後,日後我會繼續來的~