大呷台灣 (Closed)

今日收工朋友帶咗去咗附近一間台灣小店食，因為一收工就去，大概 1930到都唔會話太多人，一到就有位坐，幾啱收工想舒服快食嘅中上環打工仔。我哋兩個人食，因為想食多幾款少食，所以叫咗一款麵幾款少食一齊Share大呷紅繞牛肉麵 $68牛肉麵湯有酸菜配搭幾好，麵都幾入味，軟硬度啱啱好，覺得可以再彈牙啲就更好了。牛肉都淆得幾軟腍，唔會起渣痴牙。古早味蚵仔煎 $78價錢係略貴，不過味道都可以，煎得幾香口，有少少燶邊，蚵仔都幾多，加返埋有啲菜，味道算係幾有台式風味。皮蛋肉鬆拌豆腐 $48小編個人係幾鍾意呢個皮蛋肉鬆拌豆腐，特別夏天食好爽，一上到嚟涼拌好夠凍，肉鬆夠乾身，豆腐切得好薄好勁咁，皮蛋再多啲會再開心啲，呢樣前菜夠開胃滿足，個人嚟講就會鍾意醬再少啲嘅～台醬拌茄子 $38茄子係炸過嘅拌茄子，係熱食加咗涼拌醬汁，茄子肉炸咗之後好軟身，配埋醬汁都唔錯大呷小籠包 （4隻）$38如果大家叫都要早啲叫定先，因為都要起碼 10分鍾蒸。蒸好熱辣辣咁上，皮唔會太厚不過又未去到好薄，肉都幾多汁，湯汁熱辣辣湧入口咁都不錯古早味珍珠奶茶 $28因為叫咗黑糖冇微糖，個人略覺有少少太甜，不過好似通常黑糖嘅飲品係咁～配埋小

肉燥飯嘅份量好多，有一大碗，而且仲有好多肉燥肉燥嘅肥瘦比例啱啱好，入口唔會覺得肥膩☺️隨餐仲有兩隻溏心蛋，賣相吸引之餘，食落都好彈牙再將啲蛋黃汁撈埋熱熱地嘅肉燥飯一齊食，成個感覺好滿足😆.乾拌麵嘅份量都唔小，麵條嘅咬口十足跟餐仲有碗非常濃嘅雞湯比大家撈🤣但就記得唔好落太多，因為乾拌麵本身已經比較重口味鹽酥雞排嘅味道相對上顯得唔算太濃😋但值得一讚既係佢既炸粉做到好脆，配埋個麵一齊食真係唔錯~.皮蛋肉鬆拌豆腐幾有驚喜✨一片片薄薄的凍豆腐配埋粒粒皮蛋同埋肉鬆，好有口感🤗而醬汁調味的濃度亦配合得唔錯，作為飯前小食真係一流，幾開胃.滷豚面頰被切成好多片🙆‍♂肉片煮到好稔，質地軟硬適中咬落仲有啖啖嘅滷水嘅味道.藍蝶花鮮奶好有驚喜💕奶味夠曬濃郁之餘Texture亦都好軟滑飲落仲有一陣淡淡的藍蝶花香味無論打卡定嘆住飲都係一流😚.桂圓杞子茶好大杯，雖然有點過甜，但材料豐富值得一讚係佢採用咗乾曬嘅龍眼，所以味道比較好濃郁🤤冬天飲真係岩曬，夠曬滋潤

之前見到lunch time 好多人排隊，今次突登過咗lunch time 先去，好嘢唔駛等。Order咗個皮蛋肉鬆拌豆腐，個台灣特製醬汁好好味，之前喺第二間食呢味菜，個汁超甜，呢個唔錯。食台灣嘢咁緊係要試吓個台灣麵啦，叫咗紅燒筋肉雙盛牛肉麵，牛𦟌勁厚切，牛𦟌牛筋都好淋。又見到個菜叫水蓮，從未食過，個waiter話係台灣特產喎，就試咗個薑絲炒水蓮，好特別，食落爽爽哋，我諗都幾高纎。本來收手㗎啦，2個人食已經7成飽，個waiter話鍋燒三杯雞係佢哋signature一定要試，又叫咗，果然好得，個三杯汁超好味，d雞又啱啱好，好嫰，好介紹，不過勁飽。我哋仲叫咗2杯嘢，黑糖薑母茶同蘆薈冬瓜茶，個薑茶超薑，個冬瓜茶都幾清潤又唔太甜。個menu仲有好多嘢想試，不過要等下次，飽到不行了☺️