阿元來了 (Moved) New Location

剛巧經過西環，用openrice search到呢間就立即來試試，鋪面雖小但裝修頗有特色!去到四點幾，冇乜人等位，座下便點了一個皮蛋豆腐，滷肉飯，蚵仔煎，糖不甩。皮蛋豆腐,用先打爛嘅皮蛋同豆腐撈埋一齊,味道非常好滷肉飯用切碎嘅滷肉加埋汁倒落個飯，開頭我仲驚佢油，點知撈埋食非常容易入口唔會有好油嘅感覺，滷肉非常入味!讚！蚵仔煎 感覺好台灣風味，煙煙韌韌，蚵仔也新鮮味道不錯。糖不甩甜甜脆脆非常可口!另外要了兩杯飲品普通風味普通味道。整體來講食物質素不錯，好有台灣風味，當然唔係台灣價錢，在香港食嘢係會貴啲你懂的！有機會到附近會再吃！

自從地鐵開通之後，去西環覓食比以前方便得多。一步出地鐵，行上一條樓梯就到達第三街。當時是星期日中午十二點半左右，阿元來了門前已經有約１０人在排隊。排隊等候期間，店員先給我們點菜紙揀選食物，令等待的時間也有點事做。由於繁忙時段，用餐限時30分鐘，所以很快就可以入坐。店內的裝修及裝飾都很有台灣特色，欣賞了幾分鐘，店員就為我們上菜。呃......效率太高，就是阿元來了最不像南台灣的地方，但作為一間活在香港的店，這也無可厚非。皮蛋豆腐：看到一只可愛的小杯子，一問之下，原來是皮蛋豆腐。這皮蛋豆腐是冷的小吃，和平常吃的皮蛋豆腐不一樣，這皮蛋豆腐是將皮蛋和豆腐混在一起，雖然賣相極不吸引，但每一口豆腐都吃到皮蛋香。綜合湯：湯湯水水，台灣湯和香港的湯定義真的差很大。話說，第一次在台灣見識台灣湯水之清，當時真的有夠嚇到。不過，今次主角是肉丸，淡淡的湯也只是陪襯。湯中有４顆丸，和朋友分著吃，我吃了一顆貢丸和一顆魚丸，也算彈牙，但不太特別。香菇肉羹：羹中有香菇、肉塊和筍絲，配上黑醋和芫荽，湯羹的味道，仿佛令我味蕾到台灣走了一回。羹中有數塊肉塊，每塊都是大大的，令人滿足，但包住肉塊的生粉下太多，令粉漿太厚，影響

端午節既時候有幸試到佢既南部糉，超好吃的說所以今日決定黎試一試佢其他菜式今日兩點半黎到諗住會少啲人喇，點知一去到見到有成十幾人排緊隊😱 唯有買外賣去公園食喇，有得食好野，就算要我坐地下食我都得架XD外賣等左十幾分就有喇，跟住就去左前面既佐治五世公園坐低開餐皮蛋豆腐係凍既，梗係食左先喇的的式式細細杯三十五蚊其實都唔平佢既皮蛋豆腐同出面大部分店鋪既唔一樣，佢係將皮蛋同豆腐一齊打爛加入調味料蒸熟再雪凍，每一啖都食到皮蛋既蛋香，又唔會怕好大陣豆味，如果個面再加少少肉鬆唔知夾唔夾呢因為係外賣既關係鹽酥雞係唔熱架喇，雞肉食落去都仲係嫩嫩的，咬落去好juicy，仲有一樣野好就係佢既味粉好均勻，唔會覺得一舊好咸一舊冇味雞肉飯原來係雞絲黎既，呢個飯個汁甜甜地，唔知係咪南部既口味呢雞絲唔會好鞋口亦唔會痴牙，佢咁樣方便我坐係公園食唔洗怕食既時候會跌左舊雞XP今日最想試既魯肉飯呀一打開個盒見到啲肥美既魯肉就即刻流晒口水，仲聞到個陣台灣既魯肉飯香氣，我就知道一定唔會有錯！果然食落口就係台灣既味道，豬油既油香加上個魯肉汁，滲透每一粒飯，將飯同魯肉一羹一次過放入口，我覺得好幸福呀，忍唔住一啖一啖咁食，呢個魯肉飯既汁

自港島西線通車後, 一直都好想黎食阿元來了. 耐何放工過黎佢地已經打烊lu.  所以..我同友人決定weekend來. 食完順便番kong U行個圈散散步. 令我意想不到的是...星期日食完...我竟然..竟然因為太回味, 星期二也跟同事從中環來食lunch! 阿元令我好瘋狂呀~~呢度裝修走懷舊+夜市feel. 感覺似去緊旅行呢~ 好輕鬆*鹽酥雞*始終...我都係鍾意食香口野. 鹽酥雞就最岩我.香脆又夠味. 粉薄而雞肉好滑冇肥膏. 兩次去都有點呢~必食*魯肉飯*阿元既魯肉飯唔係港式肉躁飯. 一粒粒腩肉清楚可見. 唔係俾D肉碎我架. 好足料! 個Sauce就稍為多左少少. 一開始拌好飯後,食到尾都冇一粒飯係白色架. 如果係鍾意濃味野就一定覺得超正喇. otherwise, 最好唔好一次過撈晒D汁. *蚵仔煎*友人愛吃蚵仔煎. 咁lucky夾到時間有得食(蚵仔煎唔係全日供應架), 咁我就陪食喇 XD. 本身唔鐘意蚵仔煎, 因為理解唔到佢明明係煎但好多時都係淋pat pat好似粉團咁既texture. 咦, 阿元既蚵仔煎原來蠻不錯. 蚵仔大隻又唔腥, 仲做到個邊係香脆既. yeah~*皮蛋豆

復活節假期第二日，下午同S先生決定入西營盤一轉，因為睇到唔少報導介紹，第二/三街愈黎愈多食店開張，餐廳都各有特色。最印象深刻必定係港鐵未開前已去過的，由韓藉老闆主理既Cafe；再來就係近來大熱主打台灣地道小食既「阿元來了」，港鐵西營盤站開通左之後，方便得多了!.原來「阿元」的店就係Seoulmate隔離，所以我們先去左食甜品，再去食他們的鹹食，一路望住出面都見到唔少人排隊，不過人流都散得很快，後來才知道原來繁忙時段用餐時間只限三十分鐘，所以想舒舒服服咁品嚐食物呢度就唔岩你喇，而且坐位小，環境都幾迫，但就裝修得頗有台灣的感覺。.排左約十分鐘到就有位，差唔多排到我地時，店員已先為我地落單，所以一坐下食物已很快黎到。食物款式一張紙仔睇晒，魯肉飯、雞絲飯、香菇肉羹麵、甘梅地瓜、麥克雞塊(應該是麥樂雞吧!?)、皮蛋豆腐、蚵仔煎、塩酥雞、蝦仁煎、四神湯、滷味拼盤；仲有一系列台式飲品!不過要注意啊，蝦仁煎/蚵仔煎/雙蛋煎/大麵粉/米粉炒/蛋蜜汁/優多柚/優多葡萄都只限在14:30-17:30供應，無緣試到蝦仁煎，頗失望呢，所以基本上可以揀既食物款式唔多。.塩酥雞 $35熱辣辣的炸起，食落味道唔重，就