生隆餅家 (Moved) New Location

.📍生隆餅家📍 #饅頭去深水埗 #饅頭食在家中 #饅頭的唐餅系列小編人生第一個皮蛋酥就係喺生隆嗰度買💁🏻，嗰陣好有驚喜，唔知而家又有冇失水準呢？------------------------------皮蛋酥 ($12)貴咗2蚊😅，不過依然係大大粒好足料。個酥皮好香好脆有層次🤤，但唔太鬆化；生薑嘅辛味同軟滑豆蓉嘅甜味有D碰撞 ，一開始以為食到咸嘅冬瓜蓉，食下食下又感覺幾夾，甜度啱啱好唔漏，媽咪本身唔太食甜嘅都覺得好食，仲有少少芝麻香。主角皮蛋都幾大粒，唯一嘅遺憾係有D硬，同埋原材料味道比生薑蓋咗啲，可以再突出少少，不過整體嚟講比一般餅店好食🤘🏻。------------------------------整體評分: 7.8/10小編回頭率：7/10

呢間黃店應該大家都唔會陌生，之前中秋都有唔少人試食佢地D月餅🥮，所以佢地暫停左賣糕點。依家回復正常之後就去買左幾樣野試下。🐒原味燒餅💰$10*3件食呢個係淨係食皮，因為入面係冇餡既，岩哂我呢Ｄ煙韌控。🐒蓮蓉燒餅💰$10*3件蓮蓉好滑，同個皮都好夾，一啖食落去好滿足。🐒花生糯米糍💰$10*3件皮薄，個餡都好足料，入面好多花生粒，係好中意個種類型既糯米糍，唔係好甜但又好實在- 呢三件都係迷你SIZE，可以一啖食哂，岩哂Ｄ想試多Ｄ唔同款既人。🐒紅薑皮蛋酥💰$10個人第一次食皮蛋酥，所以唔知點為之好食既皮蛋酥，不過呢個一食落口就有好重既薑味，入面有半件皮蛋同少少蓮蓉同紅薑，食落個咸味出過甜味，我就唔太識欣賞。評分：🌕🌕🌕🌕4/5好味：🌕🌕🌕🌕4/5性價比：🌕🌕🌕🌕4/5

傳統老餅店～仲要係有良知嘅，唔係唔食呀？😆因為食過，覺得好味，所以更加要寫食評支持小店😘～原來佢近北河街街市，而且轉個彎就係蕃茄師兄、蘇媽蘇媽同泰基隆，一次過可以滿足幾個願望 XD入正題，講食物～好欣賞佢d 砵仔糕，細細件好煙韌☺️ 另外，皮蛋酥大大個，只係$10 ，皮蛋靚，味道好～(以前媽咪幫襯八仙餅家，要$15，不過質素下降，依家有代替品了😍)睇吓～皮蛋酥入面仲有少少紅薑，正🥰白糖糕😍😍😍食過，唔會有酸味，係必食系列（以前食過坤記白糖糕，勁酸，唔明點解佢咁出名🤢）糯米糍有花生同紅豆口味，$10 有三粒，餡料多👍🏻店舖雖然細，但款式多～🥰下次再幫襯，試多d 唔同食物🥰～