麵屋一京 (Closed)

雖然佢嘅叉燒唔係傳統燒香的那種但完全無阻成為我心目中最好味拉麵之一本身嘅醬油湯底係比較濃，加咗背脂， 成碗湯更易入口， 可以飲曬成碗湯拉麵嘅質地十分出色唯一可以挑剔嘅就係份量比較少。好快會再肚餓

講起深水埗食拉麵，第一時間會諗起麵屋一京，因為佢個碗面頭鋪滿叉燒既拉麵真係好令人印象深刻。晚餐時段去食要係店外排隊，好彩唔係等左好耐，10分鐘左右已經有位坐。第一次食，我揀左外表吸引既「真·叉燒拉麵」配背脂豚骨湯底。叉燒係風乾左既叉燒，正因為咁佢先可以切到好薄一片。湯底底好濃幾好味，因為個湯脂肪多，所以食到後尾凍左個湯有D杰身，麵就正常，有D咬口。其實成碗麵開頭食無咩野，但食食下會覺得有D重口味，因為風乾叉燒本身已經鹹，再加埋個濃湯底，食到最尾要飲好多水，可能下次揀豚骨清湯會好D~總括黎講可以一試！

📍深水埗📍極❗️濃❗️郁❗️湯底♥️低溫慢煮叉燒拉麵🍜前排經開深水埗，所以就搵下有咩食☺️估唔到呢度都有間拉麵店，係做低溫慢煮叉燒拉麵😍之前係葵芳食過有間都幾唔錯，睇下呢間又做成點🤔叫咗個辛味噌湯拉麵同真叉燒拉麵🍜基本上我個辛味噌湯個湯底真係超❗️級❗️濃❗️濃到好似撈麵咁🤣🤣可能有啲人幾鐘意嘅🤔但我食到一半就叫佢俾碗湯我，等我加翻落去，就好翻啲啲😽反而真叉燒拉麵個醬油湯底就適中，無咁濃，而叉燒就係櫻花粉紅色🌸同埋好薄，食落好嫩咁♥️

每日限量20碗的真叉燒拉麵，配以濃湯。叉燒好咸，好似食西班牙火腿，不過份量好多！湯佈滿油脂，但我覺得配埋拉麵，味道很好。麵質爽口。可能客人不多，服務很好，waitress會主動refill水 (d肉太咸，我飲了很多水)。環境也很乾淨。下次再來，會試吓普通叉燒拉麵。