Cafe Paradise (東寶大廈) (Closed)

今日嚟北角行街見到佢門口裝修咁靚，就入嚟試下~餐廳主要係賣牛扒、意粉、意大利飯呢啲西餐，我地就嗌咗一個牛扒套餐同一碟意粉。石燒紐西蘭牛柳 ($120) 加套餐 ($30，沙律、湯、甜品、飲品)沙律菜配沙律醬，清新爽脆~洋蔥煙肉忌廉湯飲到煙肉嘅鹹香，質地濃厚~ 佢可以跟飯、意粉或者薯條，而我就揀咗薯條；薯條炸得香脆，有小小薯仔甜味，份量都好多，加埋茄汁簡直絕配! 牛柳係跟熱石上枱，等我地自己煎好兩邊再切開嚟食，可以自己控制熟度。有得食又有得玩，而且熱石可以幫牛扒保溫，食到最後都唔怕佢會凍左!牛柳200g都幾大塊，兩邊煎到微微焦香，中間半生未熟晒，咬開肉質好淋，好濃郁牛味同好多肉汁；牛柳本身已經有黑椒同鹽輕輕調味，而餐廳外俾埋2隻醬料配牛扒，我自己就最鍾意蒜汁，小小蒜香令牛扒食落層次更豐富~煙三文魚黑松露海蝦意大利闊條麵成個闊條麵都充滿濃濃嘅黑松露香味，闊條麵熟度剛好，唔會煮得過軟；海蝦彈牙；煙三文魚煙燻味亦令闊條麵層次多咗。呢個闊條麵十分推薦~~野莓沙冰 (跟餐轉配+$15)沙冰勁大杯，野莓酸酸甜甜，又開胃又冰涼啱晒夏天飲!士多啤梨泡芺雪山 (跟餐轉配+$25)甜品賣相好吸引!! 佢係2

Cafe Paradise咁啱黎到港島，今次就同朋友嚟試吓呢一間新開嘅餐廳。 無論出面定入面佢個裝修都好靚，望落去有種好舒服清新嘅感覺，一定有唔少人人會想喺呢度打卡。- 石燒紐西蘭牛柳 $120 (+30 升級套餐) 呢隻紐西蘭牛柳口感軟嫩，肉汁豐富，石燒上牛肉香味撲鼻，因為唔係西冷等嘅部位，食落唔算太大牛味，如果好牛味嘅食肉獸就要識揀啦，一開始都會驚舊石去到後面唔夠熱，但總括黎講好夠熱，食到最後都好夠熱，200g 加埋套餐最平$108，有沙律西湯同餐飲，對比外面嘅石燒好抵食。- 套餐 (+$30) 配有 沙律 餐湯 野飲 甜品真系要讚讚佢嘅西蘭花忌廉湯 夠曬香 同入味 一開始仲同朋友估估下係咩黎 最後發現係西蘭花 有驚喜 甜品係提子啫喱 裝飾得好靚- 玫瑰花 花茶 $52 呢個真係打卡之選 玫瑰花好香 個玻璃杯同埋啲蠟燭都好靚