鳴門魚湯麵亭 (Closed)

今日2點幾到旺角又逛逛，是但揀一間食左先，見到衣間日本餐廳門面好似都幾好咁，門口有個午市餐牌四十幾蚊好似幾平，就決定唔洗諗入去了入面都好多食客，不過座位不多，有高櫈有普通櫈，因為本人坐高櫈會好辛苦，所以都係坐返普通櫈好d有午市餐當然食啦，冇理由散叫咁笨家麻！叫左個辣高菜叉燒拉麵同石鍋芝士焗豬軟骨飯，套餐包埋汽水一支。好快拉麵就到喇湯底都幾好既，似平時d豬骨湯咁，但所謂辣高菜絕對唔係講緊成個麵既湯底，只係果一小撮既配菜，所以食落係完全唔辣的。麵質地個人覺得一般般啦，唔夠正宗日本果d石鍋芝士焗豬軟骨飯就要等耐少少喇，但黎到個賣相好吸引又香噴噴未食都知好味份量都好足夠，值得推介一下埋單都只係$109，不用加一

今日中午我們去咗何文田勝利道嘅「鳴門魚湯麵亭」食午飯！我們叫咗餃子拉麵、吉列豬扒拉麵同北海道牛油蟹棒拉麵嘅拉麵麵質好煙韌彈牙，湯底嘅味道好濃郁，餃子嘅外層煎得好香脆，入面嘅餡料好香口惹味，吉列豬扒嘅外層炸得好金黃酥脆，肉質好鬆軟同唔會好乾身！石鍋魚湯安格斯牛肉讚崎烏冬嘅魚湯底好鮮甜香濃，牛肉嘅肉質都幾嫩滑，但牛肉味就比較淡，烏冬嘅麵質比較腍身，唔係好彈牙，但都幾軟滑！石鍋芝士焗豬軟骨飯嘅豬軟骨肉質非常鬆化軟滑，味道好香甜，軟骨亦好腍身，唔會有韌嘅感覺！