居食屋「和民」 (Closed)

今日打算同一班朋友行街，未開始血拼前當然係要醫下肚先，中環係商業區，而和民價錢相對較為便宜，所以我地就選擇左係度食lunch拎位只需要係門口位輸入人數就會比張票你，等位既時間亦都唔耐，五分鐘左右就入坐。室內既燈光較暗，比人一種陰暗既感覺。lunch set既選擇好多，花多眼亂，加上有日替選擇，都花左唔上時間係揀食物度，最後我地每人分別叫左: 石鍋豚肉飯同照燒雞扒定食。落單之後，前菜都好快就上左，係類似韓式既粉絲，味道酸酸甜甜，份量適中，認真開胃。上菜啦，先講下我食既石鍋豚肉，因為係石鍋，所以我等左陣先撈起啲飯，咁就可以食到飯焦，醬汁適中，豚肉份量都好多，真係好足料！味道上正常，同坊間既豚肉飯無太大分別，口感上無咩新鮮感，無驚喜既感覺。之後係照燒雞扒定食，係燒板除左雞扒外，仲有牛油薯仔。因為係鐵板燒，所以保持到食物既溫度，味道都中上，但牛油薯仔有點濟，size上可以減細啲。下次黎中環，諗唔到食咩可以黎試下