麻辣風雲 (京都廣場) (Closed)

💕今次係午市時間嚟到麻辣風雲，發現佢地既午市套餐都幾抵食！而且仲見到香港比較少有既螺螄粉，一定要試試٩(˃̶͈̀௰˂̶͈́)و✨ 酸菜魚客飯 $88- 嚟到麻辣風雲，一定要食佢既酸菜魚😋估唔到酸菜魚既lunch set份量都好多!!!魚肉爽口，配料依然好豐富，例如有豆芽、油豆腐、金菇、寛粉、酸菜等等，以$88呢個價位，有呢個質素再配一碗白飯，絕對抵食( ´▽｀)✨ 砂鍋螺螄粉 $48- 如果鍾意食螺螄粉既話，一定要嚟試吓!!!佢既味道好正宗，香辣惹味🌶️份量都唔少，配上酸竹筍、木耳絲、酸豆角、炸枝竹同花生等，小新另外加配左$12既炸蛋，炸蛋大大塊，再放入粉到索滿湯汁，一口咬落去勁正(≧▽≦)另外再加咗鴨血同腩肉，好豐富😍而湯底酸酸辣辣，十分開胃，鍾意螺螄粉既不能錯過(˶‾᷄ ⁻̫ ‾᷅˵)✨ 炸饅頭(四件) $36-必食推介!!!!饅頭炸得好鬆脆，好香口，再配合埋煉奶，真係一流！😍✨ 麻辣雞翼尖 $32- 份量都算多，數返都有大約12隻左右～配上麻辣汁，十分惹味！😋✨ 鮮芒椰果玉露 $18- 午市套餐加$18就可以加配特飲～鮮芒椰果玉露味道好似平時甜品店食嘅楊枝甘露，不過呢杯就比較流質一啲，入面亦有椰果

雖然我唔食辣野， 但真係天氣太凍。 為左保暖， 我試了一次麻辣午餐， 感覺好似不錯。 🤭（5⭐️最高）砂鍋螺螄粉 - 配腐皮、炸蛋、鴨血（5⭐️）好特別的螺螄粉， 外觀有少少似米線， 內有酸竹筍、木耳絲、酸豆角、酸菜脯、炸支竹及花生。❤️‍🔥 份量已足夠一人食。 我額外加配腐皮及鴨血。腐皮加入了麻辣油， 好入味。 😋招牌酸菜魚（5⭐️）當中加入了薯粉， 而且額外配上白飯， 好適合兩個人一齊食😋😋。 好幼滑既薯粉配上以酸味主的湯底， 真係唔錯🤩。 魚片幼細， 無骨而入味👍🏻👍🏻。炸饅頭、惹味雞軟骨（5⭐️）炸饅頭加煉奶可以中和辣度， 正😘；惹味雞軟骨是加入辣油， 每咬一口都好滋味🤩👍🏻🍹特飲： 龍眼冰好少見龍眼冰甘多龍眼， 勝價比超高🥰

店鋪裝潢特別，一到門口就見到四面屏風，分別寫住梅蘭菊竹，中國風嘅音樂悠揚在店內，令人彷彿置身於江湖入面，同友人推杯換盞。<砂鍋螺螄粉> $48好少食螺螄粉，因為聽講好臭，今次食完之後發現佢雖然幾重口味，但食完確實令人念念不忘。螺螄粉氣味主要嚟自酸筍，米粉食落滑身爽口，配料炸蛋完全吸收湯嘅精華，可謂天衣無縫。<招牌酸菜魚> $88一直都有聽過佢哋嘅酸菜魚，今次特地慕名而來，果然調味唔錯。魚片薄嫩無骨，材料豐富，用上薯粉，同坊間多以寬粉作料有點不同。<惹味雞軟骨> $38雞軟骨口感有嚼勁，調味香辣，作為下酒小食冇得輸。<炸饅頭> $36見到好多人都推介炸饅頭，食落外脆內軟，水準之內。飲品用咗酒罈裝住，並用上專門既酒盞來裝，飲落好有江湖對談暢飲之感。<菊花蜜> $48飲落清爽微甜，喺食完啲重口味嘅螺絲粉之後，飲返啖就好舒服。<洛神花茶> $48洛神花茶味道微酸，飲落開胃。