Goobne Chicken (M88) (Closed)

同幾個韓國瘋嘅朋友食雞！韓國炸雞喺香港曾經風靡一時，遍滿全港九，而韓式炸雞比起連鎖炸雞快餐店有更多口味。Goobne Chicken嘅雞就同市面上嘅韓式炸雞有d唔同，佢係用烤嘅方法，而唔係油炸，感覺上比較健康。我地次次黎都一定會叫果味蒜香烤雞，甜甜地，不過今次蒜香無乜，略欠層次。韓式粉絲蛋卷上枱時熱辣辣，見到有幾層嘅蛋，包住韓國粉絲，醃蘿蔔，味道不錯。食食吓，朋友決定追加一個甜辣烤雞同砂鍋魚糕湯。甜辣烤雞辣度都幾足，初初第一啖食到個甜味，之後會愈食愈辣。最後再飲返個魚糕湯，入面有不同嘅魚糕，其實係似魚蛋嘅，個湯都有少少辣道，不過唔會好辣，點到即止。呢度唔算太多人，可以同朋友輕鬆咁傾計，不錯。

今次阿頭請食飯，想試啲新派菜式，所以就黎試下韓式烤雞喇。午市人山人海，好彩早兩日book左位先唔使等咋Menu裡面每道菜都圖文並茂，就咁睇真係令人食指大動啊😋食雞之前先黎個沙律開下胃先。幾種唔同既蔬菜加上車厘茄同麵包粒，的確有清新感喎之後黎多個輕食當作熱身。裡面包括五種不同配料，以蔬菜為主，同樣地感覺清新，但味道一般，蛋味唔突出，只能說佢整得好有層次感終於輪到烤雞登場喇！先試個辣味烤雞，個人覺得唔算好辣，怕辣既朋友即管可以試下。烤雞肉汁相當juicy, 有別於普通炸雞，烤雞皮可以有效鎖住肉汁，所以食落有啖啖汁啖啖肉既感覺~而呢款烤雞呢，廚師就落左三種唔同既芝士粉，食落其實分唔出邊種打邊種，但味道絕對係一流，因為芝士加任何野一定係好食既✌🏿✌🏿似乎韓國菜總離不開芝士haha, 想講下既係個年糕超級彈牙有咬口，啲芝士仲可以拉到好長添，連阿頭都忍唔住玩埋一份啊🙈🙈魚糕湯方面，overall黎講偏清淡，食完烤雞飲呢個感覺無咁肥膩；魚糕食落有兩種，其中一種夾雜左香蔥啖喺裡面，個人黎講幾有新鮮感食完咁多好野，大家梗係超滿足的啦😄重點係呢餐唔使俾錢喎，又可以食晏啲先返去開工，爽啊🤓

談到韓式炸雞，令人聯想到的除了有啤酒外，更是一大堆不健康的代名詞——油膩、高鈉、高脂、熱氣、高卡路里⋯⋯Goobne彷彿就是希望健康與美食兼得的人的福音，以烤焗方式取代油炸，低鈉、低脂、低卡路里，一直都享負盛名。中環這間新分店，平日午餐時段竟然不太爆滿，空間寬敞；大部分店員更是韓國人。蜜糖咖哩烤雞 ($185+10%)烤雞是這裡的招牌菜，原味、芝士、果蜜蒜香、黑椒等等，口味多得使人眼花繚亂，首次品嚐一於先試基本而特別的蜜糖咖哩味。另外更有額外的芥末醬、芥辣、醬油及醃漬蘿蔔，還貼心地附上膠手套及桶子供盛載雞骨。雞皮上的蜜糖使烤雞變得閃爍耀眼，亮晶晶地散發著陣陣光芒。咬破薄而帶脆的甜蜜雞皮，豐沛的肉汁隨即一湧而上，嫩滑的雞肉滲透出微微咖哩香味，雖然咖哩味道不夠突出，但是在蜜糖的襯托下發揮了昇華作用。特製雞蛋卷 ($148+10%)一直以來對於玉子燒之類的食品情有獨鍾，這款韓式雞蛋卷就像是把紫菜包飯與玉子燒合二為一。餡料是傳統紫菜包飯的材料如醃蘿蔔、紅蘿蔔、青瓜蟹柳等等，更加入邪惡軸心——芝士！雖然餐牌上介紹當中用上火腿，不過其實應該是午餐肉。雞蛋卷軟綿濕潤而毫不油膩，與爽脆的餡料很是匹配，