老掌櫃東北菜館 (海之戀商場)

Open Now

Now Closed

午市超值套餐：秘製杭州骨（$54）類似黑醋骨，味道酸酸甜甜，十分開胃。排骨大粒而且份量不少，另外仲有菠蘿。跟一配大白飯。追加小食：千層醬豬耳（$18）豬耳爽脆彈牙，而且唔多肥膏位，滿滿的骨膠原。多蒜多蔥，加上醬汁濃厚，喜歡重口味的（如本人）一定鍾意。

之前食過元朗分店 覺得食物質素幾好😋 所以見到Donki隔離有呢間餐廳就入咗嚟食 其實位置都有啲隱蔽 所以都係有緣份先食到😂我地嗌咗兩份午市套餐同埋一份小食 咁啱個時間係三點三 門口有張紙寫到明午市套餐有九折 所以真係更加抵食呀☺️ 唔駛加一 埋單$100咋脆椒香雞本身以為呢碟會好辣 點知原來都唔係辣到食唔到😂 辣椒入面好特別有啲芝麻痴係上面 每舊都好脆 好似食緊薯片😝 少少辣辣地 幾刺激 啲雞就唔算太多骨 都幾多肉秘製杭州骨呢碟上次食元朗分店已經食過 質素都係咁上下 甜甜酸酸嘅醬汁喺表面 每一嚿肉都沾上咗呢啲醬汁 仲有薯仔同洋蔥做配菜☺️ 非常好食 覺得最驚喜嘅係同晚市嘅份量係一樣咁多 所以呢個午市套餐真係好抵食呀🤑千層醬豬耳呢碟都非常好食 有啲酸酸地嘅開胃醬汁伴住呢個嘅千層豬耳 豬耳疊埋一齊 除咗有賣相仲好有口感👍🏻好彩係下午茶時間 唔算太多人咋 上次元朗分店等咗成個鐘先有位啊🥲

黎到荃灣就諗住去行下donki 但又唔想買到一袋二袋咁先去食野所以決定去搵左野食先估唔到Donki隔離岩岩好就有一間所以今晚就黎試下呢間東北菜 呢間環境都幾開揚不過座位編排上有啲逼同隔離座距離都有啲近有壺茶放檯比你自己斟 但要收茶位價錢每人8蚊野食方面 叫左乾煸四季豆 $68呢個炒得幾香 唔油 豆都好爽口 幾岩送飯小雞燉蘑菇 $88同我想像既係唔同既 入面有冬粉 茶樹菇 同雞先講佢既雞 應該係用雞全翼切件 不過入面勁多雞翼尖 呢兜入面都有7隻雞翼尖同佢啲雞既肉質已經燉到好爛 仲有啲鞋 冇咩雞味佢既湯汁好濃既花椒八角既味 冬粉都吸收晒湯汁既味茶樹菇就正正常常秘製杭州骨 $78呢個似糖醋排骨 酸酸甜甜 幾開胃排骨粒唔會好韌 包住晒醬汁 都好送飯入面仲有啲薯仔粒同菠蘿粒薯仔粒應該炸過 幾脆口呢間野食價錢唔算貴 但份量十足性價比唔錯👍🏻

有時我們都會找下新嘢食, 但一直想試想學人寫食評又懶於打中文字 (同我成日都唔記得拍照.....今次就讓開始寫第一篇啦.... 因為有班舊同事講開話「老掌櫃」幾好食，我都話我去過兩次，真係絕無令我失望；第一次有人介紹我去大角咀舖，正!   今次在海之戀商場又再見到，二話不說入座啦  (好彩6:00 前到, 食完有好多人等位了)。識食當然對住無敵海景，我倆很少機會看海景下食中餐...兩個人我們叫了酸梅湯同三個餸:    秘製杭州骨、木耳炒津白、 蔥爆牛肉  (我希望無錯)，一上枱 已經香氣撲鼻 (有鑊氣..)、大大碟，食落好有水準，我今次唔想叫好飽之菜式 (雞.. 豬.... 煲.....)，但由於份量好夠同食物質素好，結果又食到好飽...,  其實簡單之菜式可以吸引到我哋更難得!    ~  $250,   性價比真係好高。  下次找埋爸媽試多幾款先