火鍋頭 (Moved) New Location

老朋友又叫我打邊爐, 今次朋友介紹我地去到九龍城打邊爐, 九龍城出名多好嘢食㗎喇, 我嘅問朋友呢間火鍋店有咩特色呀, 朋友仔話影帝張家輝都成日會嚟幫襯, 於是乎我二話不說又話梗係要去試下啦!間火鍋店嘅位置都有少少難搵, 你知啦, 九龍城出名多橫街, 所以我哋都花咗少少時間先至搵到呢間火鍋店, 都好彩佢個招牌夠大隻, 從遠處一眼都睇得出!間火鍋店嘅裝修都算唔錯, 應該都唔係開咗好耐, 座位都算舒適, 冷氣夠, 所以都聞唔到好大陣火鍋味! 當然, 冷氣夠就更加係重點啦, 天時暑熱, 一入到去涼浸浸成個人都舒服曬! 但係都因為真係太熱, 我哋未嗌嘢食, 就叫咗渣竹蔗茅根水解下暑先, 竹蔗茅根水落足料, 清清地, 又唔會太甜, 解暑良品!我哋坐低咗一陣, 就已經有一個好熱情嘅姐姐招呼我哋, 呢個姐姐真係冇得頂, 我哋問佢有咩好介紹, 佢哋用啲押韻嘅句子你介紹畀我哋聽, 真係姐姐無限FUN.打邊爐就一定要講下個湯底先, 我哋一行六個人, 所以叫咗兩個煲, 一個係招牌花膠冬瓜濃雞湯, 而另一個就係秘製胡椒豬骨煲! 呢度啲煲真係真材實料, 隻雞同啲豬骨都一樣好大舊! 冬瓜都係! 其實佢似煲緊阿媽嘅自

起九龍城住了一段日子, 可是食好野通常都要搵多幾隻食腳, 2個人點的不多, 食的種類也相對少尤其叫餸食飯, 打邊爐都係適合同一班朋友去好d約咗好幾次, 終於人齊可以試新野, yeah!  火鍋頭是新派潮食的火鍋餐館食好野之前, 當然有做過功課啦~見到Openrice食評中的足料湯底已經口水流 六人一早訂定位好d火鍋頭內的環境乾淨, 檯與檯之間一點都不狹窄,  大家都坐得舒服我地呢張檯可以坐到6-8人, 而且仲有2個爐添, 可以叫多款湯底喎用具乾淨到咁, 事前唔使再用滾水洗一次啦 未人齊, 先點一渣竹蔗水先透明的玻璃樽, 材料清晰可見, 估唔到連飲品都咁足料飲一啖, 是清甜的竹蔗味, 而不是死甜, 越飲越口渴果d打邊爐下火清熱必飲健康飲品之一 人未齊, 唯一可以做既, 就係影相同睇下個Menu先啦九格調味任你落! (醬油費每位$18)好啦, 終於人齊, 大家決定要2個湯底, 方便d又可以滿足到更多人既願望!在座幾位女生就緊係想點有養顏作用的招牌花膠冬瓜濃雞湯啦大大鍋金黃色的香濃雞湯, 係咪好足料呢?!侍應先把半隻雞拎起, 佢撈起的時候, 見到好大隻花膠但係我竟然......打哂

去九龍城開餐, 未必一定食泰菜/潮州菜, 火鍋都係一個唔錯選擇, 尤其係香港人一年四季都喜歡, 呢間火鍋店門外以魚缸作招來, 打正旗號以海鮮作賣點 裝潢簡單舒適, 餐具以日式主打, 有電視設備, 食火鍋最緊要冷氣夠, 呢間做得到, 唔會食到一頭汗 真係又要威又要帶頭盔, 唔想咁熱氣, 一於叫定樽足夠竹蔗矛根水打定底先, 然後再慢慢"混醬" 火鍋味道好與壞, 首要條件係湯底, 呢度既湯底選擇都有數款, 我地點左秘製胡椒豬骨煲 ($178), 材料非常豐富, 有豬骨, 蘿白(好鮮甜), 蝦乾, 芹菜及粟米(好甜), 一路滾住, 就聞到好香既胡椒味, 湯底味道唔太辣, 忍唔住飲了一小碗~ 打開餐單, 食物種類選擇都唔少, 當然有特式生猛海鮮, 落了單就等食LU.................. 等食之際, 侍應推介呢款冰鎮花螺 ($88), 價錢唔貴, 份量都適中, 係咁熱既天氣食D冰鎮既爽口螺肉, 味道夠, 無需點任何醬汁 見魚缸有本地龍蝦, 價錢幾抵食, $138一隻, 每人一邊, 放落湯底時仲郁架, 保證生猛, 肉多又鮮甜彈牙, 絶對食得過 鮮開有條癮, 再整多碟爽脆鯇魚片 ($58

今晚約朋友黎九龍城唔係食泰國菜，而係打邊爐。最近流行蒸氣海鮮，但質素參差，唔鍾意望住時間倒數等海解蒸熟。都係鍾意食返D傳統邊爐，一齊十下十下最開心。餐廳分左兩邊，未夠七點已坐滿。被安排坐無人的另一邊，牆上沒有掛滿眼花繚亂的餐牌，佈置乾淨，感覺舒服。門口有魚缸，養住沙巴龍躉。今日海鮮價錢竹庶水味道好似媽咪煲嘅味道一樣，初頭覺得甜左D，但邊食邊飲又覺得味道岩岩好。打邊爐又點少得自己溝醬料，但每次我只有肥牛先會點醬 揀左秘製胡椒豬骨煲，好多大豬骨，胡椒愈滾愈辣。白蘿蔔滾到透明嘅時候吸收哂湯汁，有胡椒嘅辣又有蘿蔔嘅甜味。蟶子鮮甜，肉厚。4個人要例牌就岩岩好，肥牛烚耐左都唔韌，牛味濃。早幾個月去沙巴食左個龍躉湯底邊爐，好味到差唔多飲哂成個湯底 所以好期待呢度嘅沙巴龍躉。沙巴龍躉係出面魚缸撈上黎。味道無果陣食嘅咁好味，無乜咬口。烚幾秒就要拎上黎，唔係會散。鯇魚片比龍躉好味道，脆口，烚幾秒就得。湯底有粟米，但都叫多碟粟米食。好甜。響鈴有好多層，浸幾秒就食得，卜卜脆。食左咁多肉，最後食唐生菜，新鮮清甜。每人食左$400，超飽。

好耐沒有出街食火鍋，因為身邊的好友對火鍋很有要求，很難找到一間火鍋店各種食物都新鮮啱佢地嘅口味！今晚經一位食家朋友極力推介，所以就相約去一間位於九龍城開業不夠半年的火鍋店！裝修比較簡潔舒服，面積雖然不大，但有一間VIP房可以容納十至十二人。一坐低店員便拿了一盤醬料給我們自己隨意調校！秘製胡椒豬骨煲店員一放低便聞到陣陣的胡椒香味，用料十足！冰鎮花螺花螺用上湯焯熟後再冰鎮, 用秘製汁醬汁，很鮮味和彈牙。一邊食一邊等個湯滾！原條韓國BB象拔蚌新鮮象拔蚌，加少少芥末豉油，味道鮮甜及爽口，非常美味！琵琶蝦店員推介我們試琵琶蝦，還幫我們計時煑熟免得肉質過老，肉質同味道似龍蝦與大蝦的混合體，啖啖肉，入口有胡椒豬骨味，吸引了湯的精華，好好食！特級手切安格斯肥牛（大）非常新鮮，牛肉味香四溢，肉質鮮嫩，雪花般的油分分佈均勻，口感極豐富！竹蔗水聽到'自家製'三隻字就叫了一支自家製竹蔗水，味道比較清有滋潤作用！且不是太甜非常適合食完火鍋飲用。今晚這位食家朋友果然冇介紹錯，成班朋友都食得非常開心及滿足，連「奄尖腥悶」的朋友都話滿意會再嚟！