SENSU (Closed)

話說之前去過五味六覺的和牛蕃食過念念不忘，同事提意不如去試下同位置的Sensu。佢無lunch set但有all day set,價錢由$78-128，大家都睇中個「日式燒國產和牛定食（配沙律和湯）」（$128），另外仲加多個「秘製香辣日山A5牛展」（$68）。個牛展少少辣，好腍好入味！有些蔥花芝麻在面，味道幾好！至於主菜，碗飯比想像中大，和牛份量好多，好有牛味！飯裡面有洋蔥絲，整體味道好好。仲有隻温泉蛋攪勻食令d飯更滑！連埋個湯同沙律，其實都相當飽！不過我地仲加左$28要埋甜品！嘩，呢個真係驚喜！係一個會噴煙（乾冰效果）的pineapple mousse, 面頭仲有金箔同花瓣，首先賣相已經拎滿分，無諗過只係+$28都有咁靚咁用心思的菜式。食完更加發現佢唔少嘢！裡面有椰子味雪糕淋上菠蘿汁，仲有好多細細粒的新鮮菠蘿，另外仲有nuts和一塊餅！味道酸酸甜甜，完全可以解滯！好驚喜，我唔知係咪每次都係呢個甜品，但值得一試！

銅鑼灣呢個五感六覺入面有三間餐廳，地面有專屬入口，上到黎有個好似酒店既服務台，有專人帶你去預定既餐廳。今日一人午餐，決定叫個生薑燒西班牙豚肉定食（$108），跟沙律同湯，加左個是日甜品（+$28）。呢度出名食牛，我就決定叫埋個秘製香辣日山A5牛展（$68）。午市時段呢度奉送咖啡或茶，但只限普通咖啡，主餐牌上飲品可以半價轉配。之前上網見到呢度既Cappuccino既好評價，我就決定試埋（+$24）。落單後10分鐘我心心念念既泡沫咖啡就到了，奶泡打得好高，大概半杯都係奶泡啊！上面有原味可可粉，令香味更誘人。咖啡不算濃，偏向choco，配合甜品應該唔錯。秘製香辣日山A5牛展就係下一位登場，係冷盤，有五大塊！肉質鬆，調味帶酸，上面加有芝麻，香氣甚濃，唔係台灣既滷味一般貨色。最後生薑燒西班牙豚肉定食到喇。大喝一口面豉湯，味道帶甜，非常暖胃。沙律菜爽脆大塊，預拌香醋。主角豚肉不算太肥但依然嫩滑油潤，燒汁帶甜，配上酸酸味味生薑，好滋味。是日甜品真係打卡一流。甜品放係一個散發煙霧效果既玻璃杯上面。入面係餅乾同甜爆谷，上面係啲慕斯，底下仲有啲水果粒。呢度夜晚係間飲酒幾舒服既地方，估唔到日頭可以擺脫bar

朋友介紹銅鑼灣Tower 535，開設了一間摩登餐廳，當然要去試下。餐廳裝潢西日合壁，高雅的白色雲石枱配上和風木椅，地方寬敞，可看到銅鑼灣街景。餐廳兼營酒吧，傾計談心一樣無問題。秘製香辣日山A5牛展牛展肉質明明厚實，但卻相當軟嫩彈牙，而醬汁香辣味濃郁。日式燒國產和牛定食日式燒國產和牛賣相相當吸引之餘，香氣更是噗鼻而來。輕輕切開蛋黃，香滑的蛋醬已溜出。蛋醬混合和牛一同進食，入口軟嫩，口感溫潤順滑，牛味濃郁。