Wooden House (Closed)

這晚同朋友去炮台山參加活動，活動完結順便在附近食埋晚飯。揾咗位於AIA廣場背面的Wooden House，貪佢評價高又靜靜哋可以傾謁沙律、披薩、肉類、甜品，太多嘢想食，最後決定叫咗羊架同意粉一起分享羊架配薄荷乳酪醬以木板上，伴以手指薯、車厘茄和一掇迷迭香，擺盤靚，好吸引，香味已經令人涶涎七成熟羊架，火候控制得好好外面煎得香脆，肉色粉紅，肉質保持嫩滑多汁食落口好腍，肉味香濃，真係另外，薄菏乳酪醬原來係餐廳自制，好有誠意手指薯香又好味，車厘茄鮮味開胃大蜆闊條麵加入蒜片、辣椒、芝士、白酒一起煮，香味飄揚 蜆好大隻，不算肥美，勝在夠鮮甜蜆汁鮮味俾意粉吸收晒，微辣鮮香，味道一流最後，當然要食個甜品啦餐牌上有餐廳親自家新鮮製造的Gelato，有朱古力、椰子、和雜莓，共4款口味。揀咗雜莓雪糕配朱古力窩夫，另加一球雲呢拿窩夫焗外表香脆，內軟而有口感，雪糕又香又滑，雜莓味道酸酸甜甜，雲呢拿好香，好味有驚喜可以再來。

今日去開附近嘅中南買嘢，落雨又想食西餐，就入咗呢度啦。入到去個環境都幾舒服，靜靜地唔會太嘈太熱鬧。<龍蝦湯配紅蝦刺身，$98>個蝦刺身原來已經切好左，放得好靚。店員提及可以將刺身放入湯，食落就會暖暖地。個人比較喜歡就咁食，對於暖嘅刺身無乜好感。平時無乜飲開龍蝦湯，呢個覺得都唔錯。<西班牙伊比利亞黑毛豬配烤紅椒堅果醬，$288>黑毛豬略嫌過熟，食落有少少韌，本身期待會比較腍，所以有少少失望。而佢個烤紅椒堅果醬唔算好特別，食落唔辣又無乜味。配菜反而做得好好，薯仔輕輕煎過食落好香口而又不膩，蕃茄仔多汁鮮甜。<芒果沙冰，$45>芒果沙冰有別於平時飲開嘅泰式芒果沙冰，好似加少少奶類去做成嘅沙冰，感覺比較杰身，芒果味唔算濃郁，但勝在唔會好甜。<窩夫配意大利雪糕，$58>窩夫比較實，唔係外脆內軟改嗰種感覺，但係個味道都唔錯嘅。我哋都覺得個意大利雪糕唔夠滑，不過朱古力味夠晒濃郁。價錢中規中矩，如果想同另一半去一啲清靜環境嘅餐廳慶祝記念日都係一個唔錯嘅推介。

適逢世界盃放假，契妹話要慶祝七四美國獨立紀念日，出名為食o既小肥契哥亦懶理自己夜啲要參加舞會，收咗工就先同佢去天后一家聽講有十蚊生蠔食o既「Wooden House」度輕食晚膳。隱藏於後街o既西餐廳樓底極高，餐桌全用上合併式木造枱櫈，整潔衛生。入座後，溫婉o既妹妹隨即送上溫水及餐牌，桌上亦餐具齊備。晚市散叫餐牌共有七頁之多。酒牌則只有一頁。當問及妹妹係咪冇啤酒飲時，佢就解釋話店子剛剛開始有兩款生啤飲，週一至四全天仲做緊買二送一優惠，只係新到未黎得切印落酒牌而已。聽見兩口子想開枝汽酒賀七四時，妹妹仔就提議我地一試店子新入$250/樽o既西班牙汽酒。「Cheers!」Coffin Bay生蠔（$38/隻）：二人原意係黎食十蚊生蠔，無奈落單時十蚊嗰款早已賣清，最終唯有應推介每人要咗兩隻澳洲「Coffin Bay」生蠔。兩雙生蠔以拼盤呈上，蠔隻新鮮嫩滑，並滲透著香濃o既海水味。大啡菇，蒜頭，香草，溫泉蛋（$78）：大大隻啡菇以沙律菜墊底，菇面隻溫泉蛋白裡透鮮黃，賣相已值滿分。大啡菇本身厚潤芬芳，混入橙黃流心o既靚靚溫泉蛋，食落更是香滑無比，甜美可口！窩夫配意大利雪糕（$58）：主菜窩夫厚身得黎