唐記包點 (港鐵九龍灣站)

Open Now

Now Closed

今日天氣實在太熱空氣又差，屋企人都唔想出去食飯，所以我就做乖囡落九龍灣地鐵站買早餐俾屋企食。因為好早，款式都好齊全，淨係雞蛋牛肉飯未ready。見到有期間限定嘅阿華田特色飲品同埋蒸包，非常唔錯，阿華田包係留流心㗎，拎到返屋企食都熱辣辣。奶茶就好香阿華田味！章魚肉餅飯份量好多，我哋一家人share嚟食可以試少少又唔會早餐食得太飽都幾好。記得以前唐記剩係得包，而家又點心外賣啱晒我哋鍾意飲茶又唔想出街嘅人。個糯米雞真係超級足料！好幾舊大大嚿嘅叉燒，仲有成隻雞翼呀，啲糯米軟身得來又唔會濕晒好林，好入味。

九龍灣唐記包點走在地鐵站口， 無論係朝早返工返學買一個包， 或是放工懶得煮飯順便買飯盒也非常方便。 這日放工就買咗少少食物返屋企做一餐， 無飯主婦懶得煮吖嘛😆-章魚肉餅飯 27 盅飯類即叫即在盅碗裡倒入盒 ，肉餅 除咗有豬肉另外仲有馬蹄同埋章魚粒， 而且值得一讚嘅係肉餅唔算有太多肥豬肉 ，醃得不會太鹹。鳳爪排骨飯27排骨夠曬多，也不算太肥白飯大大盒夠晒飽肚 ， 另外仲會額外加多少少椰菜-雞扎雞扎料多扎實餡又靚 ， 雞肉大大件， 另外仲有芋頭豬肚同魚肚， 唔得閒去飲茶喺度買番籠黎食都非常ok 。-杞子燒賣， 豬肉燒賣 雖然賣相唔係十分靚 但最重要係內裡無咩肥豬肉， 最怕食咗一嚿肥豬膏呢。-叉燒包8叉燒味道甜美， 而且8蚊黎講夠大件飽肚， 做早餐或者下午茶都一流 。-香菇雞包8食得肉包多有時都會膩， 這個雞包入面有菇有蘿蔔有木耳， 除咗加添了纖維之外， 口感也因為木耳蘿蔔等等而變得豐富呢。