前門飯莊 (Closed)

前門飯莊 (青衣城) 青衣城一期三樓322B  砂鍋魚頭 $268 ★★★★✩  魚頭肉質細嫩幼滑，魚皮帶有微微焦香，湯汁濃郁惹味。除魚頭以外，還配上豬頸肉薄片、滿滿的紅薯粉和竹筍，飽足感十足。 竹笙荷花上素 $98 ★★★★✩  當天隨意點的素菜，賣相普通卻意想不到的美味。食材不單豐富且新鮮，有竹笙、蓮藕、木耳、雪耳、百合和合果等雜蔬；味道並不如想像中清淡，反而帶有鮮香；食材質感怡到好處，而且份量頗多，性價比很高。  整體而言對前門飯莊各方面的觀感都不錯，若喜歡京川滬菜的朋友不妨一嚐！

最近舅仔搬咗，連帶佢太太有身孕，唔適宜走得太遠，地點就一於佢哋話事。原先揀咗青衣城嘅I- thai，原來執咗，結果改去前門飯莊食晚飯賀姨仔、舅仔牛一，一餐生日飯請晒佢兩個，就最益我俾少次錢。以前曾同小組組員嚟過，不過已經都成年前嘅事，但環境無咩大變，紅襯白，一室古雅柔和，所以唔陌生。前門飯莊主打滬菜，亦夾雜少少京川菜，冷盤、前菜、熱葷、點心、粉麵、甜品，款式超過70、80，部份圖文並茂當參考，今餐大部份菜式由舅仔發辦，因為佢口刁有要求嘛，哈哈，等佢揀唔使大家煩。茶錢無變，都喺收$7位，另收加一，之外就無其他雜費。五香烤魚 $58上海菜中有一道「燻魚」，煙燻香濃，幾鍾意嘅冷盤之一；晌前門飯莊就無燻魚，不過，就有一道近似嘅「五香烤魚」，魚件以五香粉醃透再炸，好入味，肉質實淨得嚟又帶點鬆化。花素蔥餅 $37一客3件嘅花素葱餅，類似啲蒸銀絲卷，口感鬆軟唔黏牙，裡面捲住啲蔥粒同蛋皮，素得嚟唔會太寡。京式蔥油餅 $37有別滬式大大件嘅蔥油餅，京式個皮較為酥脆，因為並非煎，而喺炸，內裡包住好多蔥絲，好濃香嘅蔥味。灌湯小籠包 $50一客5件，唔使爭，一人一粒。薄身嘅外皮包住濃鮮嘅湯汁，不愧為「灌湯」，