米角

Open Now

Now Closed

佢哋最近推出咗全新口味嘅丼飯，行過見到咁吸引決定試試。見到menu上面仲有每日新鮮人手製嘅手工飯糰，睇落勁靚仔，而且會用多種米去呈現唔同嘅口感，超正！𖦹 和風汁燒素肉海苔溫泉玉子丼 (素)素肉以100%純植物大豆蛋白製成，睇落同食落都同真肉一模一樣，以和風燒汁熬煮令素肉入味、濃郁，加上漬物以及溫泉玉子，飽肚又健康。𖦹 竹筍黑胡麻溏心蛋飯糰一咬開個蛋就係誘人嘅流心效果，配上竹筍、黑胡麻，以及脆口嘅佐賀縣有明海苔，口感清爽又豐富，更選用傳統嘅秋田小町米，令配料同米飯完美結合，就算完全無肉都啖啖滿足！

呢間上年9月開嘅日式雜貨店/超市之前經過見到好多人，咁岩今日非食飯時間去，唔駛等就有位食🥰🥰廚房是開放式設計，可以睇晒成個製作過程😀😀🐖柚子醬油燒豚肉海苔五榖便當🍱便當包裝賣相都好日式，好有火車便當感覺。五穀飯係秋田小町珍珠米加左紅米同薏米煮成，口感有層次又煙韌。柚子醬油清新，配飯食好開胃。叉燒我係睇住師傅用火槍燒過🔥，又大塊又厚肉，焦香十足好好味😋🥚竹筍黑胡麻溏心蛋飯糰🍙好似將碗拉麵變左飯糰食落肚咁😂😂溏心蛋蛋黃呈流心，竹筍夾心加醬油味飯糰嘅配搭，聽起黎怪怪地，但食落出乎意料地配合。環保♻️減塑包裝休息區係和風設計🏯成個場地好似去左日本商店街感覺，好掛住日本🙂🙂🙂

平時食開既飯糰都離唔開差唔多嘅配料同味道。但依排每次經過尖沙咀依間日式supermarket，都見到有唔少人排隊買佢哋嘅飯團，今次就等我試一試食先！竹筍黑胡麻溏心蛋飯糰 🍙 （$34）Ramen Egg Omusubi平平無奇嘅飯糰，將醬油拉麵🍜中的重要元素如竹筍及溏心蛋都一一藏於飯糰當中 ，這個配搭出奇地好食。原隻溏心蛋半生熟度剛剛好，蛋黃味非常濃厚；配上日本傳統秋田小町米，入口軟黏帶有清香甘甜。柚子醬油燒豚肉海苔五榖便當 🍱（$68）Yuzu Shoyu Grilled Chasiu Nori Grain Bento這款海苔便當用了好多人都鍾意的慢煮叉燒，也沿用了秋田小町米，以為食落會同飯團冇乜太大分別，但便當加了柚子醬油搭配，味道很清新，與慢煮叉燒配搭得宜，一點也不膩。個人來講，如果有機會將這份便當變成新一款飯團更是錦上添花。期待下次再嚟試吓其他款式的飯團🍙再同大家分享🍽谷辰 GUU SAN📍地址：九龍尖沙咀中間道15號H Zentre地下