滾喜火鍋專門店 (Closed)

香港人打邊爐已是不分節氣，皆因冷氣夠凍，食物一個價錢任叫，再大一個雞煲，夠晒飽又可以滿足所有人，鐘意食菜可以狂落菜，食肉獸可以勁食肉，冇撞突。 今次去的是交通便利，四通八達的旺角。 餐廳座位好闊落而且多卡位， 方便聚會。一嚟我哋就一致通過叫最貴嘅套餐，$268, 雞煲加打邊爐， 因為可以任食美國桶蠔同安格斯牛肉。 先黎食雞煲(中辣)。雞件大塊多肉少骨， 份量對於兩個人嚟講係超多，而且最鍾意嘅係好多花椒粒， 真正有麻辣嘅感覺。食完野味雞煲後，我哋決定再豪d, 另加38蚊轉 鴛鴦湯底打邊爐，一邊麻辣鍋一邊皮蛋芫茜豬骨湯。 麻辣味道不錯，但最值得推介佢的皮蛋芫茜豬骨湯，皮蛋切到大大份，大大粒原粒馬蹄， 皮蛋味濃而且煲好耐都唔會爛溶溶，老闆娘話係親自淆製， 並不是濃湯寶任食menu好似平時食開的放題咁 ，一張張紙自己劃再俾待應落單桶蠔真係手掌咁大隻， 淥熟咗之後仍然都好大隻，安格斯牛好味， 雪花分佈均勻， 有牛味，沒有肥膩感覺。竹蔗茅根又係自家煲好好飲，好足料

今日我同女朋友去咗呢間新開嘅雞煲專門店食嘢，其實尋日已經係OpenRice book咗位，仲有七折添（不過只係火鍋配料，其他正價），搭正七點，我哋行完旺角就到咗啦！一入到門口，可能因為新開所以冇咩人，環境都幾舒適清靜下，沙發坐得舒服，好！餐牌上面有好多野揀，海鮮肉類丸類小食等等包羅萬有，但呢啲都係火鍋配料就喎，今日主角一定係呢個黃金芝士雞煲！其實我哋都係為咗呢個芝士雞煲而嚟嘅（因為我同我女朋友都鍾意芝士）！就係咁，我哋叫咗個細嘅黃金芝士雞煲，好幾個火鍋配料，同埋一盞竹庶茅根，得咗！1）黃金芝士雞煲 （$138）評分：唔使好耐，有個好Nice嘅侍應好快就攞咗個雞煲嚟，我哋等左5分鐘啲雞就熟啦，一打開個蓋，啲芝士味即刻一窩蜂咁擁落我個鼻度，超香！一拉個芝士雞，拉到啲芝士好長，超正！味道方面，我哋兩個都覺得幾好味，只不過覺得芝士有啲唔夠，但係overall好正，好多肉，食完都已經大概六七成飽啦！建議兩三個人其實叫細嘅芝士雞煲都OK，四人或以上就叫個大啦！食完啲雞，終於到咗Round 2: 火鍋配料！2）雪花和牛（小） （$78）評分：打邊爐梗係要食和牛啦，其實佢有個頂級安格斯和牛俾我地揀，但

天氣越來越涼，冬意滿滿，正好打邊爐暖暖身。旺角最近新開了一間火爐店，朋友吃過都極力推介，所以我都不甘後人，立即來飲頭啖湯！這間火爐店就位於旺角的女人街，地理方便。店舖因爲新開，所有枱櫈用具都好新。加上店鋪內裡闊落，感覺很不錯。因為平時打邊爐最怕就是吃完周身味，但因為這裡地方大，所以不會焗住一陣味。我們二人行去到餓得不得了，立即點了個秘製麻辣雞鍋$138雖然雞鍋我們點了小的size，但其實份量也不少，一鍋有為數不少的雞件，兩三人都絕對夠吃。雞件上鍋炒一炒，麻香四溢！這個過程全程有店員服務，服務周到，店員還熱心講解食材的食法。雞肉嫩滑，麻香十足，惹味而不太辣。炸鹹蛋魚皮$58這個一定要介紹，因為實在太好吃，香膽魚皮經過鹹蛋黃炒香，蛋黃香滿佈口腔。從來都無在其他地方吃過，十分出色。竹蔗茅根水$56打邊爐少不了竹蔗茅根，清涼解渴！生菜、木耳，鮮金菇（$28/每款）全部都好新鮮，尤其是木耳，放入鍋後吸收了雞鍋的精隨，錦上添花。頂級安格斯$198叫得頂級質數就一定有保證！牛味十足有咬口，脂肪分佈均勻，入口油脂甘香。輕輕滾一下就可以食，質素喜出望外。$北海道帆立貝88大大粒帆立貝，未食已經興奮！其鮮