車品品小食 (Closed)

大角咀埃華街既車品品好多年前已經幫襯過一次，車仔麵同碗仔翅都材料十足；每每經過大角咀車品品都勁多人排隊，今次好好彩，門前只得兩三人在等，所以等埋一份。好快被安排入座，一入店就是OPENKITCHEN有位姐仔忙於煮理車仔麵好多鮑魚呀 ！！！！其實剛才先食完漢堡包，所以都係過下口癮想濕下口樓面姐姐好好人，雖然做到無停手，但服務依然一流，好好心機招呼食客，又好有禮貎講解，每款送上的食物和飲品都會講怎樣食最好。叫咗個竹笙碗仔翅，勝在多料, 肉絲, 冬菇絲、粉絲、木耳絲, 不過竹笙數量好有限每張檯都放咗樽辣菜脯，隨意任落，我只係落咗些少，但都幾辣㗎。見有好多張檯的食客也有吃鮑魚，我都叫咗隻試原隻鮑魚＄48, 質素有番咁上下，有點彈牙有點嚼口，又夠入味 ～ 推介 ！我連鮑汁一齊落晒去碗碗仔翅一齊食，真係好鬼正。識食應該要咁食仲試咗健康飲品篤篤： 羅漢果桂圓茶樓面姐姐話飲咗半杯可以叫佢地幫忙加添熱水，因為好夠味！

數一數手指，都有半年沒有到過車品品消費。是日到奧海城工作，雖然只有半小時食飯時間，也要趕去品嚐一餐高質素的午餐。在這人人自危的時勢，對自己好一點吧！胃口不佳，不再吃招牌魯肉餃或雜麵，清清地要碗皮蛋粥，加份豬皮蘿蔔。病病地，原本想飲杯梨茶，但梨茶又沒有熱的供應，惟有放棄。熱飲似乎只有篤篤可以選擇。豬皮厚身，咬落爽脆，同時也因為吸收了醬汁的精華，十分入味；蘿蔔清甜，沒有渣，永遠是高水準。粥底又係十分綿，放上不少的瑶柱絲，皮蛋味道好，有溏心。作病既時候食一碗綿綿的粥，最好不過。篤篤即無火果桂圓肉茶，是熱飲。味道帶點甘，入口順喉、清潤，喝一杯幾舒服的。三十幾蚊的一餐，也可以很滿足。諗諗下，點解會見唔到老闆娘坐陣呢?