La Bo La (Closed)

難得約到大文豪食晏，就去吓喜帖街行吓食吓！搵吓搵吓是，行過都唔知呢度係越南餐廳，室外座位擺咗部大冷氣，又幾正喎；餐廳入面嘅裝修casual得嚟又不失傳統，放工嚟飲杯野啱晒啦！我哋揀咗坐落簾入面嘅座位，燈光柔和啲，影相都會好啲！set lunch可以揀越式河粉或泰國金邊粉，基本餸係越式扎肉或特級美國生牛肉，可以選擇要唔要配料，追加其他餸及小食柑桔梳打 (+$18)柑桔味濃，甜度適中，配合梳打味道清爽芒果橙汁 (+$18)我問今日嘅果汁係乜野，店員話 '芒果或橙汁'，不過我聽唔到個或字，就好開心咁以為難度係我最愛嘅芒果加橙？！不過店員話，你鍾意嘅都可以兩樣撈俾你啦，喜出望外！兩種生果唔會搶去對方嘅風頭，各有各好，新鮮清甜非常夾！特級美國生牛肉越式河粉+牛筋 ($68)上菜時生牛肉係真係生嘅，肥瘦適中充滿彈性；牛筋非常大舊但軟稔，質感通透，入口爽滑；清澈嘅湯底味道清甜，鹹度恰到好處，食嘅時候再榨少少青檸汁，靈舍好味！越式扎肉泰國金邊粉+牛舌 （＄86）外面好多扎肉都係偏鹹而且得粉漿，但呢5塊扎肉肉質結實，豬肉味濃唔鹹；金邊粉夠滑，浸過湯後仲可以保持爽滑口感；牛舌比較厚，都驚驚哋會好韌，但點知

利東街新開的食肆實在數目繁多，筆者縱然不定時到訪也未能嘗遍所有食肆。今午用餐的越式餐廳 La Bo La，位處利東街近皇后大道東的一角，門面不太明顯，店子亦很小巧。午膳時間餐廳提供的麵食基本上只有三款，另有數款小吃與飲品可外加增併。麵食的外加配料如芽菜芫茜等可自由選配，安排富彈性。筆者與友人各自點了不同的麵食，分別是越式札肉河粉及特級美國生牛肉河粉。整體而言，兩款麵食的整體口味皆不俗，湯底帶甜，河粉富彈性，札肉味道合預期，牛肉鮮嫩濃味。不過，麵食份量明顯偏少則要留意一下。小吃方面，米紙卷製作食味清爽，米紙略帶煙韌，並透出淡淡薄河清香，蘸點酸辣汁吃有更佳的風味。另一小吃香炸雞翼，出品熱辣燙嘴，外皮酥脆幾好食。飲品熱薑檸蜜薑檸兩味平衡，屬滋補熱飲。