NUTTEA (旺角中心第一座) (Closed)

今日實在太熱啦！喺旺角行一行買完野，經過NUTTEA真係忍唔住要買杯嘢飲，相信好多朋友仔都試過呢間台灣過江龍茶飲舖，呢度主打純素堅果奶蓋同堅果奶，無牛奶無化學奶精，感覺比較健康！伯爵朱古力堅果奶蓋茶（$48）每日限量發售一百杯，好幸運今日飲到！超香濃嘅朱古力堅果奶蓋，好似食緊雪糕蛋糕甘，伯爵茶底都好香，下次等我試無糖！粉紅莓好堅果奶（$47）呢款超好飲！酸酸甜甜好似飲緊士多啤梨乳酪，但當飲到尾嘅時候堅果味會好濃好突出！NUTTEA仲會有團購㗎，想訂返公司同同事飲或者返屋企開party都得，有興趣嘅朋友記住send佢哋社交平台睇下！

堅果奶真係好好飲，一試愛上😊💕呢一日在旺角午餐之後，我哋去咗旺中嘅一樓，買兩杯nuttea回家慢慢嘆佢哋嘅Menu花多眼亂😊好多都好吸引返到屋企就用兩個玻璃透明不倒翁杯，慢慢欣賞，慢慢細味，慢慢享受😊💕😊💕———————牛油果堅果奶（少甜）牛油果香濃，整體來講整杯飲品口感比較濃稠。由於我哋叫少甜，牛油果嘅果香同埋堅果奶嘅果仁味道都好出。飲完之後呢杯絕對有飽足感😊如果女仔飲一杯可能可以代替正餐🤣呢個係健康之選！—————————粉紅莓好堅果奶(少甜）同頭先牛油果個杯感覺非常之唔同，佢嘅莓香酸酸甜甜，好開胃嘅感覺，會忍唔住一啖接一啖咁飲落去；配合埋堅果奶，有啲似乳酸嘅味道😊正正—————————雖然感覺上nuttea價錢有少少貴，但飲落真係真材實料，又好健康，物有所值！真心推介😊😁

台式飲品係好飲，不過健康就麻麻所以最近飲開堅果奶，健康又好飲。飲過好幾次，多數都係朱古力，今次就試下d 新口味。次次都係去旺中依間，又方便又快。menu 都係果d.今次叫左杯朱古力棒果堅果奶 $40 粉紅莓好堅果奶 $47外賣店員細心幫你包好粉紅莓好堅果奶 $47未試過同見比較小人飲依隻就試試佢。nuttea 嘅飲品係堅果奶，所以多數都係厚身d.比較飽肚，可以當一餐半餐。甜甜地同酸酸地，好fresh 嘅感覺店員建議半糖，所以唔會太甜平時飲開朱古力，今次冇特別照相。第一次飲嘅，試朱古力就冇死。濃朱古力再加上有小小果香同咬口。