全記海鮮菜館

Open Now

Now Closed

新年假期，去西貢拍拖行下 見$288/位， 有四個餸 有海鮮食， 真係算係咁啦，仲有龍蝦食。 仲可以選位坐，岩岩好有一個對海室外位。 一開始有兩碟小食，我最最欣賞係個炸銀魚仔，中意到問老板可唔可以額外買返屋企。 女經理好殘忍一句唔得拒絕左。 。有鴻星果隻味，後來鴻星加左勁多花生， 就無咩買了。 蒸粉絲扇貝，睇到d 人評分，話佢用急涷帆立貝放上個本地殼到蒸。 我相信都係真，因為無粘住個殼，不過味道係ok 的。 龍蝦伊面，龍蝦都好味既，伊面唔係好夠份量。 水果本身係水果同糖水二選一，佢無比我簡，直接比左水果，4 件橙。 選了 芝士龍蝦伊面， 要求改成上湯龍蝦伊面 菠蘿咕嚕肉 ， 蒸粉絲扇貝，椒鹽墨魚 ， 仲有油菜， 水果。 好多人話，  係放急涷的扇貝，我相信都係既最後埋單$633 兩位。

晩餐朋友即興想食海鮮🦞 就即飛入西貢搵食！呢間朋友食過話不錯，開頭打算試下其他店，因為有小朋友，想揀間乾淨啲！但左揀右揀最後都係食返呢間，朋友食過起碼唔會好伏先！😂一入去就安排位置係入面，而且一枱人都無，可能見有bb，安排小人的枱，非常好！👍🏻 首先我哋叫咗個2人套餐，但忘記咗我仔都好大食，應該要叫3人餐以上至啱😅 所以之後我哋再單叫咗好多海鮮！個人最鐘意粉絲蒸扇貝，超多粉絲！😋 粒帶子都好大隻，所以食完我哋再叫多2隻😂 仲有龍蝦伊麵又係必食推介！我哋加錢轉澳洲龍蝦🦞 會多肉多小小，啖啖肉，超正！唯一美不足係伊麵小咗啲😢 仲有揀咗條斑仔，但真係太小肉，而且最貴係條魚，最唔抵食！其他都好好食，海洋食得岀真係好新鮮！而且地方又乾淨！一家大小有小朋友一完推介呢間！

今年生日飯去全記食。費事諗叫餸，所以叫左套餐。六位套餐仟五蚊左右，十幾個菜中可選六個餸，我地只揀海鮮叫（因為冇理由叫炒菜或生炒骨㗎嘛）：芝士龍蝦伊面、椒鹽鮑魚、椒鹽瀨尿蝦、粉絲蒸扇貝、姜葱炒蟹、清蒸海魚（加$180轉沙巴龍躉），另外再去海鮮檔揀左兩只奄仔蟹，一斤十二兩共$500，另加油料錢。埋單每人$400蚊左右，價格和味道都算成正比，不錯的晚餐。