阿叔泰麵 (積信街) (Closed)

又係捐窿捐罅搵食，之前發現大圍積信街好多小店，今次就去左試阿叔泰麵-係一間食泰北野，主打係船麵。店鋪細細，但坐得舒服，餐廳佈置得好有特色。牛肉船麵-食船麵一定要加埋店內的四大調味，會更加惹味。嫩腍既鮮牛肉再配埋脆口既炸豬皮，口感豐富。冬陰功湯麵-湯底味濃、酸辣啱啱好，質地較稀，可以當湯飲，配上蛋麵，軟硬適中又做到掛湯既效果，配埋不同既海鮮，增加鮮味。粒粒雞棗-泰北地區傳統的小吃，將雞肉剁成小粒，然後混合不同調味料，再炸起，有其獨特的口感和美味。泰式綠奶茶-勁香抹茶味，唔似日本抺茶，但又唔會好甜，下次再encore~芒果糯米飯-同平時食嘅有啲唔同，芒果熟同腍，所以超香甜，而糯米飯就偏黏而且有大量既椰槳，是另一風味。

之前喺元朗經過冇機會食，今日lunch time喺大圍見到卒之有機會試吓。店外觀簡潔有特色， 店內天花掛滿好有泰國元素嘅遮，七彩繽紛有特色💯午市套餐都幾多選擇，我哋揀咗牛肉船麵$66，有金邊粉、米粉、粉絲、河粉同蛋麵選擇；有牛腩同牛丸，牛腩好入味同好淋，牛腩份量亦唔少，牛丸夠彈牙，配料有芽菜、通菜、花生碎、炸豬皮，揀咗河粉，好得意，唔係食開嘅條狀河粉，係闊身大大片嘅，好滑好有米味，湯仲好濃牛肉味 👍另一個套餐揀咗蛋炒咖喱蟹肉飯 $68，大大碗咖喱，個蛋炒咖喱，好似平日食泰式咖喱炒蟹嗰隻咖喱一樣，仲有一絲絲拆咗殼嘅蟹肉，撈飯勁好味，所有飯食晒😋😋😋點套餐仲可以加$15要個小食，我哋叫咗粒粒雞棗同炸魚餅。上枱熱辣辣應該係即炸嘅，2樣都好正同係泰國食冇分別，跟炸魚餅嚟嗰個海鮮醬好夾，好好味。套餐包基本飲品，我哋加$8要青檸梳打，加$10要叫咗凍泰式奶茶。總括食物唔錯，抵食嘅💯

泰國菜對我嚟講通常只會喺飯聚先食到，有好多小食又方便share，但疫情下又冇晚市，就冇乜接觸泰國菜。有日突然懷念起呢樣野，就自己一個人去到大圍拜訪呢間黃色船麵店。 阿叔泰麵有兩家分店，只在元朗/大圍。老闆之前遠征泰國拜師，目的就係令港人都食到正宗船麵。 大圍店記得佢之前有裝修過，店外以燈裝飾窗邊+新型亮燈引起我注目。店內牆壁畫滿油畫，枱頭望有竹支+布扇形成泰式風扇，開咗窗後又有夏天陽光feel。 食物就好簡單有牛/豬肉船麵，椰湯/冬蔭湯麵，各種泰式飯。+$15又有得揀多種小食，但平日都要收加一。 牛肉船麵$60 「船麵故名思意就源自於船上，當時泰國水路發達，國策鼓勵人們以麵條作為主食，船家小販為了令岸上客人都食到湯麵而唔會因船隻搖蕩而倒瀉，就將麵整得特別細碗而成名。 船麵湯底最主要由牛/豬肉湯頭，加入黑醬油，腐乳，牛/豬血令顏色更深，再有多款香料藥材形成家傳配方。」 湯底唔算太黑，聞落充滿藥材，飲落順喉偏向清甜，有牛骨嘅濃厚同香草嘅口鮮感，唔會太咸/重口味。 旁邊有四款醬汁，仲寫埋「四大調味，缺一不可」，佢咁講我就當然跟到盡。我就各加咗一羹。魚露增加了咸鮮味，加上白醋/白糖/辣椒粉，變

已經很久沒有去泰國，記得朋友早前介紹這間位於大圍的阿叔泰麵，今晚和太太就來試一試水準。餐廳裝潢十分醒目，用上不同的泰式裝飾，座位亦寬敞舒適，文青風十足。餐廳主打泰式湯粉，有多種不同的配撘。另外單點選擇頗多，小食、飯類、甜品都有。枱面上也十分地道的擺放了泰式四大天王調味料，有醋水、魚露、乾辣椒及白糖，加上泰式的湯匙，一看就知道十分對辦。牛肉船麵先點一客招牌的船麵，以牛骨加上不同的泰式香料熬製的湯底，故此味道香濃醇厚，配料有炆至軟冧的牛腩及牛丸，用料新鮮牛味濃郁，配上船麵必備的炸豬皮、芽菜等配料增添食趣，味濃而不過膩。香葉肉碎炒MaMa香葉肉碎鑊氣十足，上枱時仍冒煙，做法正宗，用上九層塔等香料，配料味道突出，香濃惹味，辣度十足，MaMa麵彈牙爽勁，粗糙細膩並存，令人一口接一口，如果有一隻煎蛋就真的十全十美。香茅魚露雞翼以泰式的香茅及魚露醃製雞翼，味道清爽帶有鹹鮮，非常惹味。粒粒雞棗雞棗炸得外層香脆，內裏口感爽彈，味道鮮甜，滋味雋美，配以泰式甜辣醬，十分有水準。芒果糯米飯精挑細選的芒果搭上，認真烹煮的糯米，糯米粒粒分明有咬口，以及比例恰當的椰漿，香甜美味。熱青檸蜜純粹天然果香蜜味，清爽可喜，

#大圍 #阿叔泰麵 新開，經過過幾次，今次先入去試下，入面橙調裝修好靚，又有窗邊bar枱位，不過會同路人超近啦#牛肉船麵 我叫咗金邊粉，湯底係泰國食到嘅味，一飲個湯，好似去咗泰國咁牛肉係牛腩，正#豬皮 即炸，超脆身，個丸無咩特別，不過分量偏少#青咖喱牛肉飯 好辣但咖喱都香醇，椰味重，配菜好多，四季豆正都係一樣啦，分量偏少所以後尾再叫#粒粒雞棗 原來係越式札肉啲fd，只係入面轉咗雞肉，同埋上枱就feel到個即炸感，啲熱氣傳哂出黎，亦都非常之外脆內軟#泰式奶茶 超級泰式，茶底完全係泰國茶底，煉奶都好夠，我仲可以叫 #少冰 #凍檸茶 就一般般喇，個茶底用返奶茶個茶底，所以好濃味，同遮咗啲檸味，即使有半粒青檸係入面味道: 8/10味精: 7/10價錢: 6/10環境: 8/10服務: 8/10