臺坊 (加拿分道) (Closed)

呢間餐廳係尖沙咀成日都會行過嘅舖頭 但每次淨係行過 為左唔好錯過美食 今次就去試一試佢 睇下好唔好食😆粟米芝士蛋餅 $45滿滿嘅芝士同粟米 好足料！而且餅皮煙煙韌韌 好有口感！記得一定要趁熱食 如果唔係芝士就拉唔到絲～紅燒牛肉麵 $65湯底夠濃味 牛腩雖然唔算好淋不過唔韌👍🏼值得一提嘅係牛筋好淋 係入口即溶嘅感覺！而且麵係彈牙嘅～佢仲有幾舊蘿蔔 但蘿蔔唔算入味另外仲有得分別+$6轉刀削麵同埋有多啲牛筋！醉雞翼藥膳米線 $60醉雞翼酒味唔重 上碟好精緻 但係冇咩特別不過不失米線都算彈牙 唔會太淋或者太硬 而且湯底唔錯係好養生嘅感覺😛水蜜桃紅茶 跟餐+$8因為怕太甜 叫左少甜少冰不過少甜得濟 飲落好淡味😂

發現厚福街新開左一間台灣餐廳，細細間，睇落好似唔錯，就入去試吓。店面好細，只有四五張枱，不過當天6:30左右食到7:30 ，都未見需要等位，可能小店加上新開張，冇太多人食。喺餐牌揀好食物，就要自己出去收銀處買嘢食先，然後就可以坐定定等嘢食，亦都可以用自助點餐機叫嘢食。上菜速度都算快，可能因為冇乜人，好快就有嘢食。食物款式都算多，普通台灣餐廳有嘅牛肉麵、排骨、鹽酥雞、小食花枝丸、台灣腸、拌麵、滷肉飯等等都有，仲有甜品同特飲。紅燒牛肉麵睇落唔係話好大碗，但係識落都幾飽，面嘅份量都唔少，牛肉有三四舊，有啲係筋，但由於餐廳冇分牛肉麵牛筋麵或者牛筋腩麵，所以就算唔鍾意食牛筋嘅人都要屈就一下。牛肉肉質好林，亦都好入味，好濃牛肉湯嘅味，筋就一半半。紅蘿蔔白蘿蔔亦都好入味。鹽酥雞胡麻醬冷麵鹽酥雞都有六粒，份量都算多，都幾大粒，味道唔錯，唔會好鹹，亦都夠味道，雞肉算嫩，亦都唔會話好大雪味。醬都係普通市面上嘅胡麻醬，配冷麵非常好食。小食炸花枝丸五粒花枝丸都幾大粒，入面都好多花枝肉，幾彈牙，熱辣辣幾好食跟餐叫嘅特飲，黑糖仙草凍份量都係平時茶飲店嘅正常份量啦，黑糖仙草凍唔錯，唔會勁甜，最怕啲黑糖好甜，今次啲黑