點點心思 (Closed)

打波之前，在體育館樓下的地方，打算快快食D輕食，見到門口餐牌都OK，所以就入左去食。點知等上菜的時間比想像中耐，其實前後都要15分鐘，又唔係真係好耐，不過可能因為我都有D趕時間同埋之前食類似的食店，都唔駛咁耐，所以有D失了預算。因為唔想食太多，所以只叫左2種食物，點知都比我想像中大件，抄手5粒，全部都好大好飽滿，好多肉而且皮好薄，一個人食曬5粒真係好飽足。紅油都幾香幾辣，都有少少麻味。另外打算叫個清清地的腸粉，都好大碟而且都滑口。因為呢碟先上，所以食左大部分之後先上抄手，食到一半都已經好飽，本來想清D輕食，點知都係食得太多。加上等待的時間長左，我又要好急咁食，所以大家最好預多一D時間，慢慢來嘆下仲好。不用加一，收3元茶水費。

今日年三十決定同同事去食中式午餐。一路以來都好想試吓公司附近呢間點心專門店，期望比起大酒樓更有特色。唔知係唔係我哋早去或是很多人已經休假，去到竟然不用排隊。點心紙上的選擇沒有添好運那麼有特色，我們便選了蝦醬豬頸肉蒸飯，薑汁糕，紅油抄手，小籠包試一試。可能是香港點心餐廳，紅油抄手沒有上海餐廳那麼吸引，味道交淡，但是皮仍然很滑，內裏餡料很足，尚算合格。 蝦醬豬頸肉蒸飯則非常出，色蝦醬味濃郁卻不過鹹，飯裏加入南瓜令到味道層次更佳，極力推薦薑汁年糕味道濃郁，薑汁落重本，喜歡吃薑的朋友一定要試。小籠包和紅油抄手一樣不是香港點心專門店的強項令人失望。如果大家想食一個又平又抵的點心餐，這裏仍是一個不錯的選擇。