茶木‧台式休閒餐廳 (Moved) New Location

荃灣都有兩間「茶木」，綠楊這間比較細，但商場人流比較差，所以不需等位太耐很快便入坐。有人話每間「茶木」的出品都有啲唔一樣，我覺得呢間啲出品無嘜問題，但係「紅燒牛肉麵」的份量少得離譜，數得出內有幾條麵條，女仕吃的話應該勉強夠飽，但係比$82~就真係貴咗啲，沒有套餐，飲品另叫，牛肉和牛筋又滑又淋很入味。微辣手工伴麵，有麻辣香味，有半筋半牛肉(另上)，有半隻糖心蛋，仲有一片鴨血，全份都好味，加$30~升級有杯飲品和仙草豆腐花，全部都正👍

晏就同男友食tea...等左差唔多10分鐘就入得...上菜速度都好快...唔洗等太耐 紅燒牛肉麵好味..麵質好彈牙..有口感，但份量偏少...對男仔黎講份量就太少...實唔夠飽..價錢$70左右...份量咁少黎講..唔係好抵食！雞排肉燥飯份量適中..但感覺雞排比以往少...記得上兩個月黎食..雞排係好大塊... 整體偏咸..肉燥底都係油....配料有蛋..雪菜同埋青瓜...配埋都幾夾！頓時健康左呀！仲叫左胚芽奶茶...好淡最後埋單$190.3

總覺得QR Code是很偉大的發明，雖然普及程度遠遠不及日本，但近年在港的應用開始越來越普遍。我沒什麼耐性，不喜歡爭，不喜歡浪費時間排隊。晚飯時間，男友建議去茶木，拿了票，發現要等40個號碼，第一個反應是想走，但望望號碼牌上有個QR Code，好奇一掃，原來茶木利用手機程式實時顯示叫號情況，而且同步更新，客人只需掃一次，不用掃完又掃，非常方便。我們可以利用等耐的空檔做其他事情，到差不多很接近時才回來，既不用浪費時間，亦不會錯過叫號，非常欣賞!眼前同樣的水果茶，已經再無驚喜。冷的只有酸梅的酸味，失去該有的茶香。熱的味道很淡，斟茶時壺咀常常被壺內的藍莓堵塞，要強行夾走才成。雞排肉燥飯並沒有很突出，似乎只有紅燒牛肉麵能保持一貫的味道。21:45 last order前做了個瘋狂的決定，我們點了芒果磚塊蜜糖吐司，一座盛惠$70。其實價錢還是其次，而是這座甜品山真的是大得驚人，兩個人明顯食力不足，有點浪費。這個謀殺菲林的甜品，要解構起來其實並不難，先是三塊厚多士，塗上蜜糖後，中間挑空，切成六小件，再砌回多士裡頭。如是者交錯的疊了三層，頂層放了一堆忌廉，最頂壓了一大球芒果味雪糕，最後放上細小的綿花