日常料理 (Closed)

😋 日式豬軟骨 $80豬軟骨個軟硬度適中，口感唔錯，煮得都幾入味。😋 鴻喜菇炒露荀 $65心血來潮想試下齋，就叫咗呢個喇。露荀炒得幾爽口，同鴻喜菇一齊入口都幾夾，美中不足嘅係啲甘筍絲太多，搶咗露荀個味。😋 紅蟹肉忌廉可樂餅 $30上菜嘅時候已經一分為二咗，夾開兩嚿嗰陣紅蟹肉忌廉好似流沙包咁流出嚟，食落口外脆內軟，亦都好有蟹肉味。😋 白飯 $10白飯嘅面有啲飯素，不過個飯有啲硬同乾，如果用多返少少水煲就會好食好多。主打家常便飯嘅味道嘅日常料理，整體嚟講味道都唔錯，最緊要係喺日常料理食飯真係好有家嘅感覺，加上有大量文宣，食飯嘅環境一流。不過份量略嫌少，如果啲餸大碟啲就會好啲喇。⭐️評分⭐️（5⭐️為滿分）味道 ⭐️⭐️⭐️⭐️環境 ⭐️⭐️⭐️⭐️⭐️抵食 ⭐️⭐️⭐️

#中意嘅請分享請點讚🍻----------💛#黃店💛店內有連儂牆和文宣 💛11/11, 12/11(開放予開放俾學生, 手足及後勤人員休息), 13/11/2019 罷市💛1/12, 7及8/12/2019, 19/1/2020(1/12, 8/12,19/1遊行日午市暫停)💛參與「黃色商界聯署」，表明願意聘請被捕手足及不招待警察----------紅蟹肉忌廉可樂餅 $30可樂餅係即叫即炸，所以表皮好脆，餡料好綿滑，形成外脆內軟，不過蟹肉味可以更濃。-日式豬軟骨 $90豬軟骨好淋好入味，份量多，重口味人士可以試下，撈飯一流。-蒜辣肥牛 $80肥牛汁好濃味，唔會過咸，又係撈飯一流。-日式饅魚炒飯 $98炒飯粒粒分明，夠乾身又唔會太硬身，饅魚汁分佈均勻，如果饅魚更大舊就正🤣。----------📍日常料理🔎旺角彌敦道575號Ladder Dundas5樓