嘉樂冰廳 (新村街)

Open Now

Now Closed

(蒼海遺珠)荃灣楊屋道街市買餸，先見到喜樂冰廳, 歷史悠久...完全不起眼豬肉店旁！我們以前普通舊港式茶餐廳，餐牌食物驚人！追得上潮流！有脆爆華田西多士、豉油王雞翼、超厚夠吋滑蛋咸牛肉三文治、大滿足火腿奄列、龍鳳奶昔、蓮子冰、黑牛……我們2個女仔叫了2個套餐大滿足火腿奄列配酥炸鮮蝦雲吞火腿奄列中心蛋汁半熟而且有勁量火腿絲，像火山一樣好大份！完全超出我們想像……酥炸鮮蝦雲吞好鮮味，自己包材料新鮮有成3隻蝦仔肉幾彈牙好鮮味豬扒湯烏冬豬扒炸得不錯軟綿綿，醃得幾入味，很易咬又大塊！烏冬是滑身口感, 後悔選了湯烏冬, 有些吃不下, 名付其實眼闊肚窄脆爆華田西多士半份好彩我們選半份，原來一件好厚，中間有粗粒花生醬，配上牛油煉奶，加上阿華田脆脆上面賣相吸引而且好精緻甜品感覺。味道甜絲絲脆粒粒口感好喜歡！豉油王雞翼味道不咸，像住家味道有少少甜味但不是瑞士汁甜味，雞肉一啜就甩好滑，個人很喜歡滷水豆腐1件  外皮有炸過再浸滷水，中間白色豆腐好嫩，皮煙韌吸了滷水像懷舊小食。蓮子冰和紅豆冰 紅豆冰有椰汁味，所以花奶加椰汁的。對蓮子冰情有獨鍾，因為很少地方可以飲到，蓮子好軟有椰汁甜咪好滋潤感覺。那天不知道為什麼

相信對食客黎講嘉樂冰廳都唔會陌生，轉手後第一次去食，比起以前係差左小小……聽說新老板已向舊老板拜師學藝， 但要做到一樣味道確實係困難， 難得新老板仍保留舊面貌， 希望佢能夠再做好d, 秉承落去必叫店員尚算貼心，主動用剪刀剪左4下，等我地容易d食，但係d 雲吞放左喺麵既下面，一齊剪爛埋，至於味道，唔係講笑，堅喊，好似飲緊豉油，要將個麵放落個湯到沖一沖先食得，但麵質係好食依個年代真係好小有傢勒咖啡沖得幾好，唔係茶味重到澀口個隻，而且仲有d 滑

好好彩排隊10分鐘左右就有位無阿華田奶昔唯有叫紅豆冰，友人話好多紅豆好淋好好味，牛腩麵好夠份量，而且炆得夠淋，薑蔥炸醬撈麵係我至愛，無簡水味，好多薑好正，所有薑我都食晒，麵質軟硬適中，係我心目中想要，所以我每次來都必叫，熱鴛鴦帶苦，如果多d奶就更好。雞翼又係超正，大大隻啖啖肉。今次無叫奄列同蛋治，因為唔想食太飽。聽收銀講2019年4月3日係last day，4月5日交鎖匙，已經有人頂黎繼續做落去，唔知會唔會保留所有餐牌，食物同招牌呢

超超超厚蛋治💓🤡～《嘉樂冰廳》終於都同朋友去左食！叫咗個鮮牛蛋治 $29，個蛋真係厚到爆炸💥，目測應該超過三隻蛋🐣，鮮牛都好味，雖然沙嗲味唔重，但係好彈牙！😛見到朋友食嗰碗炸醬撈麵$35，超級大份😂見佢食咗勁耐先食得晒！好似好好味咁😖（隔離飯香）另外仲叫咗杯紅豆冰$22，成杯紅豆冰都係淡粉紅色，連啲豆裏面都係粉紅色！好搞笑！😂#本來想叫華田奶昔可惜冇貨.👅：8/10🎏嘉樂冰廳 (荃灣)荃灣新村街40B號地下.#嘉樂冰廳 #厚蛋治 #炸醬撈麵 #紅豆冰

今次冇上次咁多人排隊，但都keep住有客黎haha 都唔算"小"掛奄列份量還是很大老闆娘說有7隻蛋呢但味道退步了d蛋過熟 火腿也太少牛肉係一粒粒散開既太少牛肉了咬落只要蛋味炸雲吞是今餐最好食既有多燈雲吞炸得卜卜脆配上酸甜汁更能帶出蝦味呢個麵唔記得咩名但都好好食有好多紅豆的紅豆冰2個奶昔差唔多一樣樣所以要飲啖先知口感似飲沙冰個味道都做得很出值得一試題外話：位子小小都有好處，我地竟然同搭檯個師奶傾計，感覺好有人情味XD

已有一年沒光顧, 因上次想食鮮牛蛋三文治, 入座後先知道老闆臨時不整所有蛋類三文治!今次因為去荃灣看醫生前, 想食三文治; J先生話去食 - 嘉樂是日老闆沒有在場! 所有食物上枱時間快了很多凍奶茶 $18J先生話: 茶香奶滑紅豆冰 $19紅豆大粒又腍, 紅豆分量差不多有半杯雲吞牛腩米 $32雲吞皮薄而蝦彈牙, 牛腩炆得入味又軟腍鮮牛蛋三文治 $27分量之大, 我估有三隻蛋; 鮮牛肉味淡; 麵包薄而軟!嘉樂 總結: 還可一試!

荃灣的街坊人龍小店，幾乎怎何時間都要排隊，今天路過人少少，排左15分鐘有得食。孕媽媽點了一支牛奶，兒時冰室之必選飲品。咖喱牛腩撈意粉: 咖喱味不夠濃，但牛腩夠淰入味，合格。意粉是港式的質感，偏軟偏淰，地道口味。紅豆冰: 椰香不夠，但紅豆很粉有豆香，正。旦治: 厚厚的雞旦，可以用澎湃來形容。旦雖厚，但仍然JUICY，而且旦味極濃，入口有汁又夠香，必點。鹵水雞翼: 雞翼嫩滑，有肉汁。鹵水唔咸，食到有花椒八角等香料味。沾上雞醬更添惹味。

尋日(21-2-2012 Tue)放工後同男友去葵芳睇戲,睇戲前食個晚飯,但由於唔想o係葵芳食啲冇特色o既o野,於是帶男友o黎呢間食,我一早叫佢留定肚,但我就因為女同事FC請o左我o地食下午茶而留唔到肚.呢日有啲毛毛細雨,我o地o黎到時唔見有人龍,入到去好似冇位,樓面問我o地幾多個?我答兩個,佢帶我o地去其中一張只有一個女食客坐o係o度o既卡位話可以坐埋一邊,我見佢對面張凳有包o野,知道有人同佢一齊,樓面就請個女食客就吓,畀我o地坐.女食客答冇問題啊,樓面問佢想點坐?佢o地坐埋一邊定想打對面坐?佢答坐埋一邊.但我見佢都重唔拎走包o野,所以我唔郁.不過意識到佢o地覺得我奇怪,於是我開口話有包o野o係o度,佢o地至知,我就將包o野拎畀個女食客,然後坐低喇.坐低後同男友諗叫咩o野食,男友見到人o地o既三文治好大份,我就叫佢唔好食三文治,試吓呢o度o既火腿奄列,於是我o地叫o左:4. $17.00o既紅豆冰呢個係男友o既,紅豆冰大大杯,我試吓,味道好淡,紅豆夠腍,尤幸冰粒唔多,咁就覺得冇咁呃錢.味道: 2.5分3. $20.00o既鳳凰奶糊由於男友未試過,所以一定要叫,冇諗到呢個會咁快o黎.影

話說上個月先第一次食嘉樂, 試咗必食的幾款~但係兩個人一次食得幾多呀!! 今次再嚟試埋佢雞翼上次都有叫, 但無論有幾多人嚟過幾多次都好, 都一定會叫...滷水雞翼...真係咬落去要有水份, 唔會熟到肉都爛, 仲要夠味為之正, 睇吓就知喇...滷水豆腐...全場最廉價食品之一, 不過呢次就真係要點埋佢個豆辦醬一齊食先得, 始終入面會淡啲嘛...炸雲吞有菜肉同鮮蝦可選擇, 份量可以三至四人都得, 正常都會揀鮮蝦雲吞, 好似抵啲嘛...其實想飲阿華田奶昔多啲, 不過都試咗先啦, 飲落去好杰同好甜, 應該似沙冰多啲...紅豆冰就OK啦, 同坊間一般紅豆冰相近, 其實本來叫涼粉紅豆冰既...聽講牛腩係出名啲既, 食多啲唔同嘢嘛, 所以食豬肚...豬肚都係滷水既, 食落都OK, 已經好飽喇~~:講真...火腿奄列真係無乜特別, 不過响其他茶餐廳又唔會尊登叫嚟食, 呢度既特別之處就係"大"得閒行開呢頭而又見到唔係好多人排隊就可以試下

今次係第三次光顧, 我今日帶老公試試這裡的特大火腿小奄列我叫咗一杯熱杏霜 嘩~~比出面的更有杏仁味, 好大杯夠杰! 老公就要咗一杯紅豆冰, 起沙嘅感覺, 在出面的大集團快餐店也飲唔到! 牛腩米線也不錯

下午三四點空住肚來到荃灣，本來想是但在快餐店吃個下午茶醫肚，但又給我想起了吊腳的嘉樂，腳痛住都要行去搵食…今日算是好彩了，嘉樂有開門，而且人龍不算太長，等三四張枱就有位了。本來我們都拿不定主意要吃什麼，但見到人人都叫一碟火腿奄列，應該不錯吧，就跟住叫一個小的試試。想吃奶油多很久了，又叫一客。因為我們今日都冇食過嘢，就一人再多叫一個飽肚的麵，一杯飲品…第一樣上枱的是火腿小奄列，哇…真的好大份啊，好在沒有叫大的。而且賣相好吸引，拿拿聲影完相就開動囉…不過略嫌有小部份蛋煮得老了一點，而且火腿也不夠平均，而且加了美極的味道好像怪怪的，下次真的要記得走美極…之後到的是奶油多，真的好久沒吃奶油多了，多士烘得剛剛好，不會太乾，而且醬落得一點也不孤寒，好正!我的豬朳米都接住上枱，一拿起已經有好大陣薑蓉味，好在我都好喜歡吃薑蓉。米粉算是煮得可以，但豬朳好乾好硬。再來紅豆冰，未攪均時的顏色好靚呀! 一看以為紅豆會煮得好爛，但飲落才知道紅豆煮得剛剛好，又不會過甜，可以翻炒。紅豆冰上完後，已經催了一次咖哩牛腩麵和茶走。侍應忙到頭暈暈，應了我們一句：好，幫你跟呀吓…但等到我的豬朳米都差不多吃完，咖哩牛腩麵和茶走

4月26日, 因為我好鍾意食蛋牛治, 見到呢度食評d蛋牛治大得甘誇張, 專誠同呀比走入黎試架!! 星期六晏晝2,3點入到去, 離遠已經見到條超長既人龍, 果真未見舖先見人龍... 足足排左成大半個鍾先入到去呀!! 入到去仲發現冇餐, 全部野散叫, 真係巴閉~::: 鮮牛肉蛋治 烘底 ::: $12 (+$2烘底)蠢左!! 食蛋牛治千祈咪烘底!! 雖然見過相亦見過隔離台食, 但係到自己個份黎到既時候都係呆左. 真係太勁啦! 由於太多料個包又烘硬左所以爆開左! 蛋老實講係多但係唔算滑. 係比較熟個種. 不過d牛肉就整得幾好味, 牛肉有個汁好好味~ 食半份都已經超飽!!::: 豬扒湯公仔麵 ::: $17比起蛋治就係正常size. 豬扒浸係湯度有d淋又冇乜味. 公仔麵又唔係一丁. 不過不失不食也可~ ::: 鹵水豆腐 ::: $5好大舊!!! 同埋真係超多鹵水!! 仲好體貼甘放左pat辣醬係碟邊. 豆腐皮有d老, 同埋可能浸鹵水浸得耐有點過鹹. 不過$5件甘大舊真係好抵食!::: 紅豆冰 ::: $14唔... 杯野d色水好怪. D椰汁係粉紅色的! 呀比仲問佢係咪士多啤利紅豆冰. 感覺上杯野